偶遇系人生之中成日都会遇到。
遇到咁到点？o个个人或者o个件事就咁擦身而过，
好似金鱼咁，几秒后就唔记得咗。

Food & Wine Matching 都系一样，
我地成日一路饮葡萄酒，一路食嘢，当中有咩 Reaction，
甜咗定苦咗，老老实实，你记得条Q咩？！
有见及此，我决定会将所有食物同当时饮嘅酒都记低，
饮完有咩感觉都记低，方便大家，就好似之前嘅番茄蛋事件咁～ （如唔知咩系番茄蛋事件，请爬文）

好，留正题！
刚刚o个个星期日中午，肚空空又唔想出街，
当然就煮我最 Like 嘅辛辣面啦！



见咁啱伸有1／4 支 Syrah ，加上我嘅冒险精神，
打死我都试，虽然结果系预计得到～
始终，我系信有奇迹嘅！

食面前先试试啖酒，仲未变坏，仲带有果味，不过都开始酸酸地，
唔紧要！唔紧要！
面食到一半，好喇，Matching 时候又到喇！
饮落去‥‥‥
‥‥‥
仆街！咁辣嘅？！
仲要苦嘅添！
驶唔驶差咁远呀？
结果同鱼肉青椒一样，赖嘢！
纵使 Syrah 同辛辣面系有缘分，但八字相冲，整定佢地无办法一齐。
算！饮茶好过饮酒，我决定将剩余嘅 Syrah 继续用其他食物相遇，希望佢地有好结果啦，下回继续。