偶遇係人生之中成日都會遇到。
遇到咁到點？o個個人或者o個件事就咁擦身而過，
好似金魚咁，幾秒後就唔記得咗。

Food & Wine Matching 都係一樣，
我地成日一路飲葡萄酒，一路食嘢，當中有咩 Reaction，
甜咗定苦咗，老老實實，你記得條Q咩？！
有見及此，我決定會將所有食物同當時飲嘅酒都記低，
飲完有咩感覺都記低，方便大家，就好似之前嘅番茄蛋事件咁～ （如唔知咩係番茄蛋事件，請爬文）

好，留正題！
剛剛o個個星期日中午，肚空空又唔想出街，
當然就煮我最 Like 嘅辛辣麵啦！



見咁啱伸有1／4 支 Syrah ，加上我嘅冒險精神，
打死我都試，雖然結果係預計得到～
始終，我係信有奇蹟嘅！

食麵前先試試啖酒，仲未變壞，仲帶有果味，不過都開始酸酸地，
唔緊要！唔緊要！
麵食到一半，好喇，Matching 時候又到喇！
飲落去‥‥‥
‥‥‥
仆街！咁辣嘅？！
仲要苦嘅添！
駛唔駛差咁遠呀？
結果同魚肉青椒一樣，賴嘢！
縱使 Syrah 同辛辣麵係有緣分，但八字相衝，整定佢地無辦法一齊。
算！飲茶好過飲酒，我決定將剩餘嘅 Syrah 繼續用其他食物相遇，希望佢地有好結果啦，下回繼續。