Alycia 话事后念返，觉得「真系好蚀！」

「无线咪神」陈婉衡(Alycia)和「仙气女神」简淑儿（Jessica）去了一个月旅行，两人由纽约开始玩到巴哈马、迈阿密、多伦多及温哥华。拥有36E好Body的Alycia去到巴哈马衣著性感，却引来热情大叔借影合照为由，强吻「非礼」，搞到Alycia好激气，话以后旅行都系要小心为上。

Alycia一直好恨去猪岛，心愿达成。

其实陈婉衡一直最想去猪岛（Pig Island），当地水清沙幼，她们著上火辣三点式泳衣在在沙滩畅游：「小猪好乖，仲好有规矩！就算我行埋去都唔会乱咁哄，听闻岛上小猪系昔日海盗遗留落嚟！」虽然Alycia大骚Fit爆身材，但自爆冇乜人留意：「因为正值有女仔喺度搞告别单身派对，个个都着得劲少布，所以唔会有人望我啦，不过，巴哈马少有亚洲人，当地人对我哋特别热情，沿路都有好多人同我哋打招呼，要求合照。」

因为周街性感女生，陈婉衡着住Bra top喺巴哈马玩得好Free。

吓到呆一呆

Alycia自爆在巴哈马发生了件不开心的事：「我同Jessica喺景点影紧相时，有个带住16岁儿子嘅中年男人走过嚟，要求同我影相，仲大胆问我：『可唔可以做我女朋友？』跟手就一啖锡落我块面，当时我同Jessica都来不及反应，大家都呆一呆，帮爸爸影相嘅阿仔仲搭讪话：『我老窦（行为）成日都系咁嘅！』语毕，呢对父子就转身离开！」Alycia话唔太记得强吻阿叔个样，亦无谂过发生异地情缘，「条友无端端走埋嚟影相，唔会谂住想识佢，加上佢个仔爆老窦成日咁做，就更加唔使谂啦。」

陈婉衡和简淑儿在「Blue Lagoon Island」同海豚玩游戏。

事后Alycia觉系好无奈同好蚀，经过这件事以后要小心，有点戒备心。对于简淑儿避过一劫，Alycia笑言大家以为29岁的Jessica是细路女，去餐厅饮嘢，人们以为她得16-17岁咋。

和简淑儿在纽约brooklyn bridge留倩影。

Alycia喺迈阿密温伍德墙拍照留念。

在温哥华市区游览Capilano吊桥。