Alycia 話事後唸返，覺得「真係好蝕！」

「無線咪神」陳婉衡(Alycia)和「仙氣女神」簡淑兒（Jessica）去了一個月旅行，兩人由紐約開始玩到巴哈馬、邁阿密、多倫多及溫哥華。擁有36E好Body的Alycia去到巴哈馬衣著性感，卻引來熱情大叔借影合照為由，強吻「非禮」，搞到Alycia好激氣，話以後旅行都係要小心為上。

Alycia一直好恨去豬島，心願達成。

其實陳婉衡一直最想去豬島（Pig Island），當地水清沙幼，她們著上火辣三點式泳衣在在沙灘暢遊：「小豬好乖，仲好有規矩！就算我行埋去都唔會亂咁哄，聽聞島上小豬係昔日海盜遺留落嚟！」雖然Alycia大騷Fit爆身材，但自爆冇乜人留意：「因為正值有女仔喺度搞告別單身派對，個個都着得勁少布，所以唔會有人望我啦，不過，巴哈馬少有亞洲人，當地人對我哋特別熱情，沿路都有好多人同我哋打招呼，要求合照。」

因為周街性感女生，陳婉衡着住Bra top喺巴哈馬玩得好Free。

嚇到呆一呆

Alycia自爆在巴哈馬發生了件不開心的事：「我同Jessica喺景點影緊相時，有個帶住16歲兒子嘅中年男人走過嚟，要求同我影相，仲大膽問我：『可唔可以做我女朋友？』跟手就一啖錫落我塊面，當時我同Jessica都來不及反應，大家都呆一呆，幫爸爸影相嘅阿仔仲搭訕話：『我老竇（行為）成日都係咁嘅！』語畢，呢對父子就轉身離開！」Alycia話唔太記得強吻阿叔個樣，亦無諗過發生異地情緣，「條友無端端走埋嚟影相，唔會諗住想識佢，加上佢個仔爆老竇成日咁做，就更加唔使諗啦。」

陳婉衡和簡淑兒在「Blue Lagoon Island」同海豚玩遊戲。

事後Alycia覺係好無奈同好蝕，經過這件事以後要小心，有點戒備心。對於簡淑兒避過一劫，Alycia笑言大家以為29歲的Jessica是細路女，去餐廳飲嘢，人們以為她得16-17歲咋。

和簡淑兒在紐約brooklyn bridge留倩影。

Alycia喺邁阿密溫伍德牆拍照留念。

在溫哥華市區遊覽Capilano吊橋。