无声胜有声？

55岁嘅刘以达，一向给人感觉另类，难得揾到个圈外好老婆冼美珍，两人结婚二十年都成日糖黐豆。日前下午，达哥夫妇又拖手现身中环，人夫陪爱妻睇医生、行影碟舖、买面包等，唔知是否太有默契，全程成个钟都唔见佢哋讲嘢交流！而达嫂就不时扁嘴望天望地，超级无聊啰！

成头白发又大肚腩嘅刘以达，好沧桑。

 刘以达去年同黄耀明合体开咗个《达明卅一派对》演唱会，纪念「达明一派」31周年，之后都系拍吓戏过日辰，早前同组合农夫、卫诗雅、张兆辉等合作拍电影《笑林寺》，前阵子就忙为动保电影《毛侠》宣传。达哥话希望藉电影向大家宣传好好照顾流浪猫狗，同时鼓励领养他自己屋企都领养了只流浪狗，话第日等爱犬百年归老，会继续支持领养，好爱锡毛孩。 

凸腩刘以达烟瘾大发，一出商场即「叉电」。

达嫂睇完医生，买两包饼返家送药。

日前下午，无见一轮的达哥不用出镜，连头发都懒得染黑，半头白发加上大肚腩，成个阿伯咁现身中环。见他拖住老婆游走皇后大道中，拍住拖上影音店睇吓碟，连体行了一阵，两公婆就各有各睇，逗留15分钟无收获就双双走人。之后，二人上了附近的商厦睇医生，见刘太面青口唇白，又帽又颈巾咁，似系不舒服啦！睇完医生，两公婆落楼去便利店买咗啲嘢饮、饼干，再去面包店买多袋面包，才搭的士返家。全程两夫妇都唔讲嘢，系一种另类夫妇相处之道㖞！

当日天气27、28度，达嫂都戴帽加颈巾又面青唇白，病咗嘞！

达哥98年12月迎娶拍拖仅一年嘅女友冼美珍。

刘以达早前出席《毛侠》慈善首映，佢透露在片中饰演流浪汉，同流浪狗相依为命。

去年，达哥和黄耀明合体R-U开《达明卅一派对》演唱会。