無聲勝有聲？

55歲嘅劉以達，一向給人感覺另類，難得搵到個圈外好老婆冼美珍，兩人結婚二十年都成日糖黐豆。日前下午，達哥夫婦又拖手現身中環，人夫陪愛妻睇醫生、行影碟舖、買麵包等，唔知是否太有默契，全程成個鐘都唔見佢哋講嘢交流！而達嫂就不時扁嘴望天望地，超級無聊囉！

成頭白髮又大肚腩嘅劉以達，好滄桑。

 劉以達去年同黃耀明合體開咗個《達明卅一派對》演唱會，紀念「達明一派」31週年，之後都係拍嚇戲過日辰，早前同組合農夫、衛詩雅、張兆輝等合作拍電影《笑林寺》，前陣子就忙為動保電影《毛俠》宣傳。達哥話希望藉電影向大家宣傳好好照顧流浪貓狗，同時鼓勵領養他自己屋企都領養了隻流浪狗，話第日等愛犬百年歸老，會繼續支持領養，好愛錫毛孩。 

凸腩劉以達煙癮大發，一出商場即「叉電」。

達嫂睇完醫生，買兩包餅返家送藥。

日前下午，無見一輪的達哥不用出鏡，連頭髮都懶得染黑，半頭白髮加上大肚腩，成個阿伯咁現身中環。見他拖住老婆遊走皇后大道中，拍住拖上影音店睇嚇碟，連體行了一陣，兩公婆就各有各睇，逗留15分鐘無收穫就雙雙走人。之後，二人上了附近的商廈睇醫生，見劉太面青口脣白，又帽又頸巾咁，似係不舒服啦！睇完醫生，兩公婆落樓去便利店買咗啲嘢飲、餅乾，再去麵包店買多袋麵包，才搭的士返家。全程兩夫婦都唔講嘢，係一種另類夫婦相處之道喎！

當日天氣27、28度，達嫂都戴帽加頸巾又面青脣白，病咗嘞！

達哥98年12月迎娶拍拖僅一年嘅女友冼美珍。

劉以達早前出席《毛俠》慈善首映，佢透露在片中飾演流浪漢，同流浪狗相依為命。

去年，達哥和黃耀明合體R-U開《達明卅一派對》演唱會。