虽然系「受伤者」，但大家合作好有火花！

见于社会环境不能预测因素，由钱嘉乐、袁伟豪（Ben）、黄智雯及杨诗敏（虾头）主演的舞台剧《今晚打老虎》由10场减至得返6场，不过，他们仍然排练得相当落力，好有火花。钱嘉乐还笑住投诉虾头，「我哋喺舞台剧界系唔可以得罪虾头嘅，原来编剧系佢师弟，导演都系佢啲人，佢喺记者会讲过想要夺走我舞台剧初吻，剧本翌日即加咗，唔只我一个系受害者，袁伟豪都要畀佢钖、揽同哽呀！」虾头对此急急澄清：「唔系咁，件事冇咁黑暗。」

钱嘉乐、杨诗敏、黄智雯、袁伟豪

大名艺人陶枳樽跟胡渭康有份演出。

单睇演员古装造型都够搞笑。

潘嘉德监制的舞台剧《今晚打老虎》于1月10日‑ 19日假香港演艺学院演出六场，连日来演员密锣紧鼓排练，其中钱嘉乐及杨诗敏是搞笑的一对，虾头「怪责」钱嘉乐放好多笑弹阻她排戏，钱嘉乐反指虾头赚晒，「佢钟意就跳上嚟叫我抱住佢！」袁伟豪和议说：「虾头系赚多咗啲，连我都要畀佢摸，由心口摸到落去肚腩。」钱嘉乐叮嘱Ben执生，「正式时肉随砧板上唔知佢会点做㖞！」

钱嘉乐、杨诗敏

钱嘉乐、袁伟豪贺杨诗敏44岁生日。

虾头哈哈大笑说：「咁就睇吓佢截唔截得到我喇！否则就一直摸落去，好考佢反应呀！因为剧中我系饰演倾慕佢嘅丫鬟，由细照顾公子到大，所以会有亲密举动，包括同公子扫背。」黄智雯反而话不知几想给虾头哽吓，可惜两人好少对手场口，「恨咗好耐，终于做到舞台剧，有唱歌同跳舞场口，仲有女扮男装，系开心好玩嘅，因为同拍剧好唔同，眼神、语气都要调节吓。」

黄智雯、袁伟豪

黄智雯趁排练空档跟胡说八道成员欢度圣诞。

近年转做动作指导的钱嘉乐话演呢个舞台剧揾返昔日做喜剧演员个Mood，「希望过年前带啲欢乐畀香港人，原来对上一次舞台剧喺19年前嘅《奖门人绝对舞台Super Show》。」他又希望将来有机会可以跟郑伊健、陈小春、林晓峰「黄金兄弟」crossover黄老虎反转舞台，应该好好玩，不过，陈小春同郑伊健收得很贵，应该请他们不起了。

钱嘉乐有意「黄金兄弟」crossover黄老虎反转舞台。

杨诗敏、钱嘉乐、袁伟豪、黄智雯