雖然係「受傷者」，但大家合作好有火花！

見於社會環境不能預測因素，由錢嘉樂、袁偉豪（Ben）、黃智雯及楊詩敏（蝦頭）主演的舞臺劇《今晚打老虎》由10場減至得返6場，不過，他們仍然排練得相當落力，好有火花。錢嘉樂還笑住投訴蝦頭，「我哋喺舞臺劇界係唔可以得罪蝦頭嘅，原來編劇係佢師弟，導演都係佢啲人，佢喺記者會講過想要奪走我舞臺劇初吻，劇本翌日即加咗，唔只我一個係受害者，袁偉豪都要畀佢鍚、攬同哽呀！」蝦頭對此急急澄清：「唔係咁，件事冇咁黑暗。」

錢嘉樂、楊詩敏、黃智雯、袁偉豪

大名藝人陶枳樽跟胡渭康有份演出。

單睇演員古裝造型都夠搞笑。

潘嘉德監製的舞臺劇《今晚打老虎》於1月10日‑ 19日假香港演藝學院演出六場，連日來演員密鑼緊鼓排練，其中錢嘉樂及楊詩敏是搞笑的一對，蝦頭「怪責」錢嘉樂放好多笑彈阻她排戲，錢嘉樂反指蝦頭賺曬，「佢鍾意就跳上嚟叫我抱住佢！」袁偉豪和議說：「蝦頭係賺多咗啲，連我都要畀佢摸，由心口摸到落去肚腩。」錢嘉樂叮囑Ben執生，「正式時肉隨砧板上唔知佢會點做喎！」

錢嘉樂、楊詩敏

錢嘉樂、袁偉豪賀楊詩敏44歲生日。

蝦頭哈哈大笑說：「咁就睇嚇佢截唔截得到我喇！否則就一直摸落去，好考佢反應呀！因為劇中我係飾演傾慕佢嘅丫鬟，由細照顧公子到大，所以會有親密舉動，包括同公子掃背。」黃智雯反而話不知幾想給蝦頭哽嚇，可惜兩人好少對手場口，「恨咗好耐，終於做到舞臺劇，有唱歌同跳舞場口，仲有女扮男裝，係開心好玩嘅，因為同拍劇好唔同，眼神、語氣都要調節嚇。」

黃智雯、袁偉豪

黃智雯趁排練空檔跟胡說八道成員歡度聖誕。

近年轉做動作指導的錢嘉樂話演呢個舞臺劇搵返昔日做喜劇演員個Mood，「希望過年前帶啲歡樂畀香港人，原來對上一次舞臺劇喺19年前嘅《獎門人絕對舞臺Super Show》。」他又希望將來有機會可以跟鄭伊健、陳小春、林曉峯「黃金兄弟」crossover黃老虎反轉舞臺，應該好好玩，不過，陳小春同鄭伊健收得很貴，應該請他們不起了。

錢嘉樂有意「黃金兄弟」crossover黃老虎反轉舞臺。

楊詩敏、錢嘉樂、袁偉豪、黃智雯