疫情下的阿Sa，应该会变成甜品厨神。

本于马来西亚为英皇网络剧开工的蔡卓妍，3月尾见当地疫情严峻关系急急返港，并进行14日家居隔离。完成隔离期后又未有工开，阿Sa同好多抗疫港人一样培养咗一啲新兴趣，有人钟意下厨有人钟意画画有人钟意整甜品，阿Sa就中两样，画画同整甜品都成为新嗜好。日前就喺赤柱见到佢同助手去咗超市买整甜品材料，佢望咗一阵就入手朱古力粉。

层架放满粟粉、面粉、椰浆同朱古力粉。

阿Sa拎住电话嚟拣嘢。

成日传阿Sa大肚，当日见佢就零孕味，仲好Slim。

好多人因为疫情手停口停叫晒救命，但阿Sa本身系富婆，最少有五层楼揸手，当然冇影响。4月尾，佢仲要喺业主劈价潮下成功以525万元卖出西湾河305呎一房楼盘，帐面赚逾百万。

畀钱期间阿Sa发现记者。

买完即上车离开。

坐完隔离监，卖楼又赚过百万，冇怀孕迹象，仍然好Slim嘅阿Sa日前就同助手现身赤柱，唔知开工定点，之后见佢同助手入咗超市，一入去就去啲买整蛋糕材料嘅位置揾嘢，望咗两眼再揿吓电话睇相就发现猎物，系一罐朱古力粉，拎上手就直接行去畀钱。事后睇返佢ig，原来佢买朱古力粉整三角朱古力麻糬波波，卖相相当唔错，想知点整就揿入佢ig慢慢睇，喺度写埋整法呃字数畀人闹㗎。

预备焗三角朱古力麻糬波波。

大功告成。

之前阿Sa整嘅面包。

阿Sa对画画亦好有兴趣，仲有爱猫陪画。

阿Sa新养嘅猫猫呖咕。