疫情下的阿Sa，應該會變成甜品廚神。

本於馬來西亞為英皇網絡劇開工的蔡卓妍，3月尾見當地疫情嚴峻關係急急返港，並進行14日家居隔離。完成隔離期後又未有工開，阿Sa同好多抗疫港人一樣培養咗一啲新興趣，有人鍾意下廚有人鍾意畫畫有人鍾意整甜品，阿Sa就中兩樣，畫畫同整甜品都成為新嗜好。日前就喺赤柱見到佢同助手去咗超市買整甜品材料，佢望咗一陣就入手朱古力粉。

層架放滿粟粉、麵粉、椰漿同朱古力粉。

阿Sa拎住電話嚟揀嘢。

成日傳阿Sa大肚，當日見佢就零孕味，仲好Slim。

好多人因為疫情手停口停叫曬救命，但阿Sa本身係富婆，最少有五層樓揸手，當然冇影響。4月尾，佢仲要喺業主劈價潮下成功以525萬元賣出西灣河305呎一房樓盤，帳面賺逾百萬。

畀錢期間阿Sa發現記者。

買完即上車離開。

坐完隔離監，賣樓又賺過百萬，冇懷孕跡象，仍然好Slim嘅阿Sa日前就同助手現身赤柱，唔知開工定點，之後見佢同助手入咗超市，一入去就去啲買整蛋糕材料嘅位置搵嘢，望咗兩眼再撳嚇電話睇相就發現獵物，係一罐朱古力粉，拎上手就直接行去畀錢。事後睇返佢ig，原來佢買朱古力粉整三角朱古力麻糬波波，賣相相當唔錯，想知點整就撳入佢ig慢慢睇，喺度寫埋整法呃字數畀人鬧㗎。

預備焗三角朱古力麻糬波波。

大功告成。

之前阿Sa整嘅麵包。

阿Sa對畫畫亦好有興趣，仲有愛貓陪畫。

阿Sa新養嘅貓貓嚦咕。