但佢承认细个时系是外貌协会会员。

黄妍最近推出以暗恋为题新歌《小鹿撞树记》，讲到自己暗恋经历，只试过F.1时，暗恋貌似吴卓羲的师兄，不过自从迷上偶像周杰伦后，她说现在更重视才华多过样貎，而卢广仲亦同样令她心跳加速。早前她首度在台湾工作顺道庆祝生日，可惜未能达成见偶像一面的生日愿望。 

早前黄妍在台湾工作撞正27岁生日，工作人员好有心思送上蛋糕之余，还附愿望卡，她许下大家身体健康、见周杰伦和卢广仲及饮珍珠奶茶三个愿望，可惜最后得一个能即时达成。

由于暗恋经验太少，黄妍写《小鹿撞树记》时都要向朋友收集资料。

黄妍爱以创作配合季节，今次《小鹿撞树记》就是觉得春天最适合讲暗恋故事，「春天嘅天气阴晴不定，就好似初恋感觉一样，经常患得患失，心如鹿撞咁，所以就写咗呢首以暗恋为题嘅歌，希望大家喺春天谂起自己嘅暗恋故事。」

黄妍在颁奖礼遇见卢广仲，紧张到面红兼口窒窒。

讲到暗恋，原来黄妍只有一次经验，「读F.1时有个读F.2嘅师兄好靓仔，好似吴卓羲，好多女同学都钟意佢㗎！但系我𠮶时带住个大眼镜好样衰，冇乜自信，净系敢经过佢课室偷偷望佢，连佢个名都唔知呀！后嚟F.2我转咗校，都冇见过佢啰！反而去咗新学校，有个男同学成日跟住我放学，好似暗恋我呀！」

黄妍首个暗恋的对象，就是贪其够靓仔似足吴卓羲。

不过黄妍话愈大愈重视才华，不再做外貌协会会员，「钟意咗周杰伦后，会留意男仔才华同内涵多啲，好似卢广仲咁一样好吸引，我上次喺香港风云榜颁奖礼有机会同佢合照，都搞到面红净系识讲『我好喜欢你！』」原来她早前去台湾工作撞正生日，都有要求工作人员达成她见偶像心愿，可惜暂未成功。

黄妍最近推出以暗恋为题新歌《小鹿撞树记》。

身为创作歌手的黄妍，平日都爱在生活中揾灵感。