希望张振朗可以不再做「地狱黑仔王」！

张振朗之前趁未有剧出的空档，跟好兄弟谢东闵（Brian）及索女刘颖旋到西班牙拍旅游节目《12个夏天》，寓工作于娱乐两星期。讲到难忘经历，他首推在巴塞隆拿入住了一间黑漆漆恐怖旅店，又入乡随俗，随住当地迎接夏日庆典跳火堆，祈求去除黑气兼带来好运，不再做「地狱黑仔王」，剧集存货可以顺利播出。

张振朗在名胜圣家堂前留影。

张振朗、谢东闵及刘颖旋在巴塞隆拿一个Market合照留念。

对于西班牙旅程，张振朗说有好多体验：「巴塞首晚被安排入住一间近郊旅店，旅馆环境漆黑、简陋，唔多干净，沿住房间走廊，两边气窗可落铁闸，置身其中好有危机感。」他忍不住拍片留言说：「间房嘅特色就系插卡开关系坏嘅。」

巴塞隆拿入住恐怖旅店，走廊嘅两边气窗有铁闸。

虽然住得不好，但张振朗没想过离队找间好酒店栖身：「系一个体验，咁大个仔第一次住呢啲旅馆系有啲惊，唔系怕灵异嘢，系冇安全感，而且见有男住客只着住条孖烟囱喺走廊行嚟行去，我一个人住，瞓得唔好，几个钟头醒一次，好彩只系小住一日，翌晚经已搬咗去市区一间四正啲嘅酒店，有对比，更珍惜返回天堂。」

巴塞隆拿入住恐怖旅店，走廊嘅两边气窗有铁闸。

问到为何不同谢东闵孖铺压惊？张振朗笑说没想过，「我同Brian已经好似hehe，我俩先到埗，趁第一日未开工，我陪佢去咗皇马班拿贝球场参观，仲好似情侣咁互相影吓，几得意。佢钟意睇波，特别系球星C朗。」

张振朗第一次同Brian去皇家马德里，仲去咗皇马球场参观。

张振朗好钟意影Brian，此相在巴塞隆拿的一个酒窖拍摄。

张振朗赞当地人好Nice，没种族歧视，每个人都可以好舒服咁做自己想做嘅野，不需要去介意别人的眼光，相对香港压力大好多：「不过，我个人好易满足，跳火堆时只求顺利播到剧集，同埋咁大个仔未同屋企人去过旅行，好想有呢个家庭乐，所以返到香港即约齐屋企人去日本，我全包一家八口机票同酒店，唔知系咪跳完火堆愿望成真呢。」

张振朗跳火堆希望赶走黑气。