囝囝真系好得意呀~

45岁名模周汶锜（Kathy）与法籍丈夫Julien Lepeu育有4岁大仔Jacques和2岁半细仔Avner。Kathy不时在ig大晒两个宝贝仔的得意相，而佢亦最钟意带儿子周围去玩，亦试过抱仔去中环Shopping。

近日社会气氛紧张，家住港岛南区的她，日前下午被《头条日报》发现零妆街坊Look带大仔Jacques到浅水湾拣玩具送畀朋友。见佢入舖唔使15分钟就拣中两盒Lego模型，岂料Jacques见到大盒车车玩具劲Like，揸住唔肯放手，两母子争论咗5分钟，最后靓妈要向「自称乖」的儿子投降，苦笑畀钱。

周汶锜素颜Look拣模型，读者要望多两眼，因为真系好少见。

Kathy自诞下两个宝贝仔后，为咗专心凑仔而减少工作，不过她的ig就好精彩，经常po出儿子萌爆得意相，见佢最钟意带住囝囝周围去，至爱去亲子好去处如浅水湾及深湾游艇会玩，等两个仔可以放吓电，佢就乘机放松吓。佢仲经常去铜锣湾Shopping，每逢转季必去利园入货，更会带埋好黐佢嘅囝囝一齐Shopping。可惜近月社会气氛愈见紧张，加上空气质素问题，好多父母都唔敢再带小朋友去旺区，Kathy亦唔例外。

周汶锜最后屈服，要买玩具给大仔。

周汶锜与兴奋拿着战利品的大仔一齐离开。

罕见素颜现身

家住南居的她，早前一身街坊Look兼激罕素颜带住大仔Jacques去浅水湾买玩具，不过唔系买畀囝囝，而系想拣模型送畀朋友。见佢入到店内即除低黑超慢慢睇，睇咗一阵，已拣咗4盒模型，然后好小心咁用手机上网再Check清楚型号啱唔啱，确实无误后就叫职员帮她包起两盒。此时也在店内睇玩具的Jacques，拿着大盒车车玩具给Kathy看示意要买，但Kathy睇两睇就放低冇理佢。期间Kathy发现有记者影相，急急戴番副超遮住个素颜样。

周汶锜曾带两子到深湾游艇会玩乐放电。

周汶锜不时被影到在铜锣湾利园扫货。

儿子扭买玩具

等职员包好模型后，Kathy想畀钱之际，Jacques再度「发功」妈咪买玩具。两母子争论咗大约5分钟，最后Kathy都心软投降，店员都偷偷地笑。Jacques兴奋拿着车车玩具到收银枱，Kathy苦笑拿出信用咭找数。Jacques买玩具成功，即开心拿着有佢一半身高咁大嘅玩具走人。离开时问Kathy儿子系咪扭计？她反问：「你话呢？（你好似唔系好赞成佢买？）但佢话佢乖㖞。」然后两母子便在店外等司机接送返家。

周汶锜每逢出席活动，打扮同妆容都好「行」。

上月万圣节，周汶锜细仔Avner扮木乃伊劲Cute。

周汶锜大仔Jacques样子标致，扮太后冇难度。

周汶锜与法籍丈夫Julien结婚7年，一直恩爱甜蜜。

今年4月，周汶锜与丈夫为细仔Avner举行两岁生日P。