工作虽然紧要，但拍拖都系好事呢㗎～

朱智贤（Ashley）最近在逢周日播出的剧集《救妻同学会》首度任第二女主角，与胡鸿钧和刘佩玥大搞三角恋，但现实中她与谢东闵早已被公认一对，日前更获邀以情侣档出席除夕骚。对于恋闻Ashley仍死口不认，还说自己正在搏杀期，只想专注工作买楼上车，希望大家Keep住当谢东闵是「绯闻男友」。

Ashley投诉拍剧期间，经常被胡鸿钧整蛊。

Ashley同谢东闵外好衬，拍拖都好正常。（资料图片）

在《救》剧Ashley戏份不少，最初她都好紧张，「《白色强人》之后，今次系最多戏份，好彩唔再系演专业人士，对白比较生活化，但系里面有唔少动作戏，自己都好担心，开拍前都有健身同埋学功夫，因为我冇乜运动细胞。」

剧中「米兰」（Ashley）曾是「思朗」（胡鸿钧）的暗恋对象。

Ashley直言现在要努力揾钱买楼，唔想公开恋情影响前途。

凭《三日两夜》性感浸温泉被封「咪神」，问到Ashley 之后会否继续行性感，她就话有需要都会继续露，「老实讲浸温泉当然要着泳衣啦！冇谂过出嚟会咁大反应，不过𠮶次真系多咗好多人认识我，仲畀人以为我系第一次主持《三日两夜》，其实我主持咗好多次，所以我唔介意适当时候性感一下嘅。」

在《三日两夜》中性感浸温泉，令Ashley人气急升。

网上图片

讲到与谢东闵恋情，Ashley笑言一日未结婚都不打算公开感情事，「我哋都冇认过，𠮶日除夕骚个主持都话佢系我男朋友，大家系咪已经当咗我哋一对，但系我哋只系好朋友咋！我依家搏杀期要努力揾钱买楼，感情事唔讲住啦！我哋Keep住系绯闻，拍住接骚都唔错，费事成日换人畀人觉得我好滥！」

谢东闵、朱智贤（资料图片）

网上图片