依然好靓～

11月8日系上市公司主席张玉珊（Shirley）45岁牛一，圈中好友吴千语、周丽淇、松冈李那（linah）蒲晒头，盛装替「姐姐」补祝生日。

Shirley讲求生活质素及品味，生日会上自然食好西，场内有大大只鲍鱼，仲有靓酒放提，今日linah喺IG出Post晒酒，见枱上放咗13枝有由6千至两万左右嘅靓酒(部份变咗吉樽)，包括法国布根地名牌酒庄红酒及白酒，及波尔多红酒，还有香槟，唔怪得linah自爆话饮饮食食咗大量美酒佳肴，好幸运有呢位「姐姐」，饮饱食醉，吴千语、周丽淇、松冈李那开心得献吻贺寿，劲温馨。

吴千语、周丽淇、松冈李那吻寿星。

张玉珊开生日会请咗一班朋友饮过痛快。

枱上好酒枝枝都唔平， 全部都出自法国名牌酒庄，有价有市。

由15岁开始被发拓做歌手，至今张玉珊变身商界女强人，愈来愈有贵气和气质，虽然40有5，但keep住皮光肉滑，拍埋班后生女度依然冇得输，绝对系靓爆镜，就算复出幕前

呢枝法国布根地红酒价值两万元。

呢枝红酒虽然都系来自布根地酒庄但唔同酒款，都要两万。

张玉珊出道时相当清纯，好吸引。

近年她经常贵气地现身慈善活动。