言论咁爆！

已为人母的吴若希（Jinny）一向言行大胆，前晚她于社交网开Live宣传新歌《这位蠢才》时，又再语出惊人！事缘直播时，其丈夫何兆鸿（Alex）一直在身后打机，即使Jinny喊肚饿、揶揄老公发线向后移、自己地位比游戏机低，Alex都不为所动，Jinny惟有邀请好友林盛斌（Bob）、张宝儿加入直播。其间，Jinny忽然当众大爆Alex私事，令对方劲尴尬，她说：「佢系一个唔打X机嘅人，因为佢话好嘥时间，其实可能系讲紧5至10分钟，对比起打机2、3个钟，佢话打机唔嘥时间，唔系好明佢对时间投入嘅观念，系我有问题定点？」Bob闻言即吓窒，并冲口问对方：「你癫咗呀？定饮醉咗呀？叫我点答你？每个人都唔同嘅，咪畀佢打阵机开心吓啰！」

有网民自称「未够秤」，但吴若希继续讲，仲话系必须嘅性教育。

对于Jinny忽然发表「伟论」，不少网民都留言大嗌「18禁」，有人更表示「未够秤」并制止她继续讲！随后，Jinny即补飞说：「呢个系好正常一个男仔会做嘅嘢，唔好神化咗佢，因为我发现华人社会比较少开口讲呢样嘢，但喺小朋友慢慢成长嘅过程里面，我觉得呢啲系必须有嘅性教育，哈哈哈！」事后Bob回复传媒时，指Jinny只是搞吓笑，但坦言对方言论太爆，自己也霎时反应唔切。

吴若希前晚直播语出惊人，吓窒获邀加入倾偈的Bob。

直播期间，Alex一直在吴若希身后专心打机。

最终Alex都暂停打机，为吴若希煮嘢食。

其后，吴若希忽然大爆老公Alex唔打X机，好友Bob闻言即吓窒！