享受天伦之乐真开心！

草蜢成员蔡一智，一向好享受家庭乐，一家人日前随关心妍等成班好友，飞咗去布吉放暑假。日前晚上，开心返港嘅佢和爱妻周雪芳又带小朋友温馨出巡，一人mark一个子女现身铜锣湾。见潮装人父拖实7岁囝囝，𡥧仔好冧咁黐实daddy。两父子当街猜包剪揼之余，可爱囝又会双手搓吓父亲肚仔，呢个小朋友好识o氹人欢心！

日前，阿智一家跟好友关心妍一家三口等去布吉度假。

上月宝贝仔7岁生日，阿智po相同囝囝讲「爱你」。

现年54岁嘅蔡一智，同老婆育有13岁女儿蔡斐岚(China)及7岁儿子First Choy，加埋23岁继女GiGi组成温馨五口之家。日前，唔使开工嘅阿智乐做凑仔公，同太太带一对子女去铜锣湾时代广场shopping。囡囡China一直绕实妈咪，文静又乖巧。而细佬呢？就扎扎跳好活跃，加上7岁人仔充满好奇心，黐实daddy系咁问嘢，两父子边行边说笑，好鬼sweet。

布吉放暑假，蔡太(左)晒泳照，身材好fit。

可爱囝囝双手搓父亲肚仔，阿智唔冧就假！

扫咗几袋战利品后，一家四口行返去利园附近街边攞车。等过马路时，阿仔无时停，撒娇要玩，最后冧掂父亲玩包剪揼。见阿智好锡儿子，专登猜输，o氹到小王子抛腰咔咔笑。其后，阿智拖住𡥧仔沿途行，过马路时又叮嘱宝贝仔跳过「水o氹」，囝囝跳过后差啲跣低，好在daddy身手敏捷，一手拉返起阿仔，免整湿衫裤。最后，蔡太拎出一百蚊畀代客泊车，一家人上车走人。

儿子飞身跳过「水o氹」后险跣低，好在阿智身手敏捷，一手拉返起咋！

两父子温馨猜包剪揼 蔡一智7岁囝好嗲又黐身

蔡太和囡囡拎住战利品，阿智两父子就趁等过马路时猜包剪揼，人父专登猜输o氹仔。

两父子温馨猜包剪揼 蔡一智7岁囝好嗲又黐身