家人支持都好重要。

26岁王曼喜和24岁的王丽嘉各自向自己的目标进发。

王敏德（Michael）和名模马诗慧（Janet）的26岁大女王曼喜（Kayla）和24岁细女王丽嘉（Irisa），遗传妈咪的超模身形，早被封为索爆星二代。因为两姊妹经常在网上贴性感相，激到型男老窦扎扎跳而被网民熟识。

王曼喜和王丽嘉身形fit爆，故大方在社交网贴上性感相。

179cm高的Irisa步妈咪后尘，进军model界，而家姐Kayla则谦称只有171cm不够高，故在大学修读Design的她，2015年创业成立时装品牌及开设网店售卖公平交易的服装。对于自己所走的路，两姊妹均称父母好支持，「佢哋唔会好似怪兽家长咁要我哋做医生做律师，反而鼓励我哋发挥所长做自己钟意嘅嘢」

早前王曼喜生日，一家人食饭兼切蛋糕庆祝。

Kayla及Irisa的父亲是城中型男王敏德，母亲马诗慧又是香港数一数二的殿堂级名模，对于父母是名人，两姊妹却形容：「冇乜特别，细个都唔知佢哋系名人，到中学或者o依家，啲朋友话成日睇Daddy嘅《飞虎》。」Irisa接着说：「以前读书时啲老师成日赞我daddy好靓仔。」问到点睇Daddy样貌？Irisa说，「佢真系几靓仔，仲好好身材，我明白妈咪点解会同佢拍拖。」由细到大，她们称父母从不偏心，更不会只锡晒19岁细佬王跃颖（Kadin），对她们所做的事更是百分百支持。

一家都很支持王曼喜创业，妈咪马诗慧和妹妹王丽嘉试过到她经营的短期摊档帮手。

Kayla于2015年创业，她说：「其实我读大学时已想创业，毕咗业返港后做咗一阵嘢，觉得唔系好适合，就决定开时装网店。」做了3年，Kayla坦言投资了约50万港元，幸反应不俗，她说：「E shop都做得唔错，暂时香港客多啲，嚟紧都会开拓海外巿场，会先试台湾，（仲有冇新project？）o依家主要想做customer order嘅嘢，例如同啲company做啲crossover嘅衫，呢个service都想畀多啲人知道我哋系有做。」现时网店的T恤约有40款，平均$250一件。父母有支持吗？她坦言daddy妈咪成日都有着，又会畀意见，「daddy可能系business方面多啲，又会问我做成点；而妈咪就系design上。」T恤设计以简约为主，并由Kayla一手包办，问妹妹Irisa有帮她手吗？她笑言：「佢帮我做model啰。」

王曼喜现时积极发展自家时装生意，嚟紧还会开拓台湾市场。

提到做model，问Kayla点解唔继承妈咪衣钵，她解释：「妈咪之前话我唔够高，因为做fashion model系有个标准，好似佢（Irisa）咁嘅身形先做到。」Irisa称13岁已经想做Model，并封妈咪为偶像，Kayla透露妹妹的志愿是成为美国著名内衣品牌Victoria's Secret的超模，Irisa续说：「其实我o依家系意大利内衣品牌Intimissimi嘅代言人，之前有去Milan啲Agency，但佢哋话我24岁太老，因为佢哋o依家钟意签𠮶啲15、16岁。」因为她想读完书先开始做Model，估不到毕咗业又被人指太老，问到有无后悔？Irisa答得无奈，「都有少少，但我觉得仲有其他机会嘅，只系如果早少少开始可能会好啲。」

王曼喜做生意爱亲力亲为，会亲自设计划草图。

好多星二代都会染指歌影视，Irisa坦言有机会都想拍电影，「唱歌一定唔会。」问到有否在港签Agency？她笑言妈咪就是她的经理人，所赚的钱全部入晒妈咪户口？她笑笑口说：「咁又唔系嘅。」提到Keep fit之道，Kayla表示她易肥易瘦都要keep，要少食淀粉质和甜品，但Irisa唱反调说：「我唔系好keep fit㗎！想食咩就食咩，但其实我都会肥，可能高冇咁明显，（有冇试过突然间好肥？）读大学第一年时劲肥，我返港时妈咪见到都吓亲，跟住唔畀我食嘢，系咁叫我做gym。」提到两姊妹感情好好，Kayla即笑说：「唔系，都有打交，但都唔记得以前为咩打，可能只系争睇电视。」Irisa续说：「大个唔会打，但会闹交。」讲到跟细佬的感情？Kayla说：「以前细个close啲，大个沟通方式唔同咗，佢唔会答你一条太长嘅问题。」Irisa接着说：「问佢嘢，一两个字答完你。」有指Kadin想入行拍电影，这岂不是要训练一下？两姊妹即异口同声说：「唔系吖，佢净系对我哋系咁咋，佢同其他人好多嘢讲，对住daddy妈咪啲朋友，仲social过我哋。」为维系一家人感情，Michael和Janet每年会尽量安排family trip享天伦之乐。