张宝华表示食饭反只系小事，更希望透过呢件事当系一个教育。

黎芷珊和有线前新闻之花张宝华、才子陶杰等早前乘坐钻石公主号，于1月25日由横滨回港，回港后得知原来同船有名80岁老翁确诊新冠肺炎，两人都自觉要自我隔离，黎芷珊更隔离足足30日，直至上月底才出关。本来张宝华订了上海总会为「一齐走过死门关」的黎芷珊庆生，但因歧视被取消订枱，搞到两人嬲嬲猪。昨晚（4日）二人在电台DJ朋友林柏希安排下，去咗尖沙咀一间日本餐厅食生日饭，张宝华送上一束鲜花及搓手液给寿星女，讲到这个54岁生日，黎芷珊形容认真难忘！

黎芷珊、张宝华、陶杰3人早前一同乘搭钻石公主号。资料图片

黎芷珊54岁生日多姿多采，仲感受到友情可贵。

黎芷珊无奈苦笑道：「咁大个女未试过被歧视，原来真系唔好受，好怪，不过呢个经历都几新鲜，死过翻生后仲要被歧视，今年遇到啲嘢系奇遇，冇谂过上船去玩，有呢啲擦身而过嘅经历，但我谂冇病冇痛都叫有运行！所以生日愿望都好宏观，真系想疫情快啲过，因为生意、工作都受到影响，喺屋企都担心，心情又唔好。」

黎芷珊、张宝华

对于被上海总会取消订枱，张宝华表示，其实当日订枱时已经说明一切，对方还说：「你哋自我隔离成个月，真系有公德心！」直至翌日早上10点对方还向她询问餐单，11点就突然发讯息说：「对唔住，明天未能接待你哋！」理由系老人家多，抵抗力低！

张宝华FB

黎芷珊也感莫名奇妙：「我开头唔信呀！仲问宝华系咪敏感咗呀？佢就将对话截图，真系明显唔欢迎我哋啰！真系有啲嬲嬲哋，因为我咁辛苦成个月唔出街，喺屋企自我隔离，你估系一件简单容易、舒服嘅事咩？我都做咗本份啦，做乜仲要畀人咁睇呢？」

黎芷珊

张宝华亦不平则鸣：「我明白个社会系惊肺炎嘅，但惊得嚟大家要理智、理性啲，如果你听政府、听医生讲，做好防疫，隔离14日会冇事，咁你梗系要相信啦，更何况我哋明知人哋认得自己，要顾吓人哋嘅感受，所以我哋经已唔系自我隔离14日，而系隔离30日，做足有余，其实我有好多问题想问返上海总会：『系咪隔40日都唔得，要隔40年？』但佢都答唔到我。」

黎芷珊话其实坐邮轮去玩好宁静、写意，她跟张宝华经已第二次登船去玩。

就今次事情上，张宝华更有意向平等机会委员会（EOC）投诉：「睇吓今次事件上有冇牵涉《残疾歧视条例》，例如某个人有病，而唔畀佢去某个地方都算系歧视，况且我唔系有病，咁样唔知系咪可以可以投诉？呢个举动目的唔系要告佢哋，系个教育，唤醒唔好歧视，我哋今次系好好彩，去一个疫区，可以全身而退，隔离期间屋企人冇事，好感恩，如果有啲唔好彩中招就好惨！今次事件上唔存在还唔还我公道，系佢哋唔啱啰！希望透过呢件事当系一个教育，要谂吓康复病患者，或者隔离过嘅人其实都几无辜，食饭反而只系小事。」

张宝华