阿博表示配完音三日声都拆晒。

38岁张彦博（阿博）凭TVB剧《跳跃生命线》饰演「暖男」救护员「雄姐」得到网民喜爱。去年尾即乘势追击举行处男演唱会，最近更第一次声演动画，于《女皇哥基大冒险》中声演英国皇室最得宠的哥基「Rex」，由于最得英女皇欢心，他的态度不可一世。阿博笑言：「配完音𠮶排真系觉得自己变身Rex，有时会不自觉做埋过瘾表情，真系入晒血咁，连我都觉得自己变咗狗样，真系好好笑。」

福音电影在加拿大冰天雪地取景，张彦博在街头busking。

阿博跟「跳跃F4」成员郭子豪、何广沛、罗天宇于演个唱中合体演出。

今次阿博声演的狗Rex，而声演其主人的就是罗兰姐，两人合作过好多次，很有渊源。不过，因为分开配音，加上语调及声线有别平日说话，罗兰姐认不出张彦博就是Rex。处男声演动画，阿博形容系好大挑战：「虽然细细个都钟意睇卡通片，但从来冇谂过配音，好彩呢五年嚟拍过咁多剧，对配音方面有帮助嘅，但都考到我，因为要keep住把声有energy，可惜我持久力唔够，配完音三日声都拆晒。」

张彦博和罗兰姐合作过多部电视剧。

阿博坦言配音配到声都烂晒。

阿博是完美主义者，对自己好有要求：「最高纪录一句说话用唔同情绪，唔同tone配咗60几次，成套戏我有280几句对白，正因太严谨，我配足3日3夜，每日由朝早9点配到凌晨12点，配到冇晒反应，原来经已不支瞓着咗。（怕唔怕畀人话奄尖？） 唔知呀，但我做每样嘢，都落足200%力，会搏到尽，奄尖系好事，唔系边有好嘢你哋睇，最难系做好多狗嘅反应声，而且又要跑又要跳，个人要好多幻想，最开心获赞系超晒水准嘅配音新丁。」戏中Rex系鬼马小狗，现实中张彦博一样顽皮，不过，配完音后觉得自己连样都似埋Rex，好抵死。

阿博同小狗Rex的确有啲似样。

阿博拍新剧《降魔的2.0》反串扮女人，扮相好娇俏。