钊锋终于有首属于自己嘅圣诞歌！

倒数一个星期，C AllStar成员梁钊峰单飞发展首张个人专辑就要面世。今次重金远赴丹麦的哥本哈根拍摄新碟压轴派台歌《若然冬天没有花》的MV，钊峰更邀请性感模特儿好友郭颖儿（Celia K.）担任MV女主角，双双欧游，以还8年前的承诺。

钊峰坦白承认请Celia做女主角完全出于私心，说：「我哋同期出道，互相扶持嘅好朋友，我曾经许下承诺，将来独立发展有自己歌自己MV时，一定揾佢做MV女主角，等咗8年终于成真。」原来钊峰是「找数真汉子」！

今次不但履行承诺，还实现了钊峰的梦想，说：「我一直都好希望有属于自己嘅圣诞歌，终于2018年梦想成真，而且呢首圣诞歌由自己作曲填词，圣诞节唔一定普天同庆，带着一份伤感嘅圣诞亦可以美丽。」

身旁冻到震的Celia问他为何拣哥本哈根拍MV？钊峰说：「丹麦哥本哈根唔只系童话故事作家安徒生嘅故乡，而且亦系佢写童话嘅地方，加上呢度风景真系好靓，充满圣诞气氛。」

虽然他们在这个浪漫到痺的环境中情歌拍MV，但绝不过电，事关Celia已经结婚而且有一对可爱囡囡，钊峰内疚地说：「你刚生完第二个囡囡就过嚟帮我演MV女主角，沿途身兼保母照顾我，不过MV故事系好少对手戏，因为故事讲我哋异地恋分手后，我嚟到哥本哈根，透过你寄畀我啲明信片上嘅景点去揾你。希望你老公唔会介意我借走咗佢老婆啦！」

原来Celia婚礼由钊峰担任主持，她笑言：「佢唔介意，我多谢你带我嚟到全世界最快乐嘅地方丹麦，仲要唔介意我啱啱生完BB两个月未修身！」钊峰口花花：「依家都好索呀！」