肥妈表示家人为怕影响感情，已协议不再看电视新闻。

「肥妈」Maria Cordero自7月20日担任「守护香港」集会主持人，竖起拇指「俾Like」支持香港警察后玩「深潜」。日前肥妈罕有出席一间金行的周年晚宴，她接受访问时强烈否认「721元朗恐袭」事件后同警察割席，自爆因为老公病重，加上同家人因政见不同而经常炒大镬，情绪失控的她不时爆喊，甚至撼头埋墙而吓亲家人，目前要服用精神科药物控制病情，亦被禁看新闻，子女更勒令她不要多事！

肥妈同陈百祥曾为「守护香港行动」集会担任司仪，当时肥妈情绪非常激动。

肥妈身心俱疲已不问世事，亦祝愿香港早日回复以前一样。

瘦了一个码的肥妈早前带同老公为相熟珠宝金行担任周年晚宴表演嘉宾，又唱又跳改编自剧集《难兄难弟》主题曲的《We like HK》来唱好香港，之后再唱《月亮代表我的心》及跟汉洋合唱《东方之珠》，全程表现兴奋，更有师奶粉丝握实肥妈手「集邮」，老公就安静地坐在台下欣赏。

肥妈、黑妹、汉洋、谭嘉荃及Joe哥等为相熟老字号珠宝金行周年晚宴演出。

肥妈有感而发说：「《东方之珠》系唱我哋嘅香港，每个地方都有高有低，但香港点都系一块福地！意见唔同唔紧要，最紧要坐低一齐去倾。」当问到怎样看香港社会状况时，她竟说不太清楚，自己已不问世事，坦言「依家我乜都唔理。」

肥妈喺台上唱歌，亦希望观众一齐唱好香港。

肥妈自爆：「屋企有32位成员，一向融洽相处，佢哋有啲中立、亦有唔同颜色，部份立场激进，有次成家人睇新闻，结果酿成激烈争吵，你知我好霸道唔会畀人讲嘢㗎啦，愈闹愈嘈，当时我情绪好激动爆喊叫停，但嗌极都无人肯收声，真系唔知点算好，唯有撼头埋墙自残，撼到后脑起『楼』吓亲屋企人。」

肥妈同家人一直相处融洽，但因为对香港近日反修例事件各持己见而频频闹交。

另外，肥妈原来近两年一直陪住患有肺癌的老公进出医院，「由1月至今留咗6次院，私家医院医疗费超过600万，但唔紧要，老公好叻，比医生估计得返一年寿命更长。所以𠮶排心情衰到不得了，压力大到连手都震埋。最后要睇心理医生寻求专业治疗。医生专业建议，解决呢类情绪困扰，屋企人需要围埋一齐坐低倾，就算唔明佢哋嘅谂法，接受与否唔重要，都可以好嬲咁讲出自己感受、同时畀对方发声，咁做系爱惜大家睇法，然后一齐达成共识。」

近年肥妈争取时间同老公周游列国叹世界。

肥妈好享受家庭乐，亦爱分享跟家中爱犬的生活点滴。

肥妈同家人为怕影响感情，已协议不再看电视新闻，「我哋变返和平共处，但喺协议下，如我要出席一啲有立场嘅公开活动，系要得到家人同意，相反，佢哋都唔会参与。」今次事件令肥妈学会要互相尊重大家想法：「佢哋唔使改变我，我亦都未必认同佢哋见解，始终冇人啱晒，亦冇人会错晒！所以单睇警民冲突片段不能作准，评论亦唔公平。最紧要控制到情绪，好彩经已由两粒药减到只系食一粒，不过仲要长期服用。」她慨叹说：「我只系得一个信念，香港快啲变返以前嘅香港，大家团结一致。」

肥妈好珍惜同老公相处时间，去边都一齐。

肥妈喺2016年3月开完《友谊长存30周年演唱会》后宣布不会再在港开演唱会。