开骚加油！

马浚伟将于10月在演艺学院举行7场show《Dream Big演唱会2019》，他更事先张扬有「女神」周慧敏及JW(王灏儿)、余香凝等助阵做表演嘉宾，连上市公司主席兼索人妻黎珈而(黎姿)都会是座上客，不排除到时拉埋她加入吹水战团，派吓正能量！

马浚伟发放正能量，将于演唱会中大唱励志歌。

马浚伟演唱会名为「梦想好大」，代表他入行26年来一直无放弃过追梦：「有part叫『追梦在舞台』，团队联络咗一班有演艺才华嘅社会基层表演，佢哋同我一样，喺屋邨成长，但未必有机会去发挥，当年我都冇谂过有机会踏入娱乐圈唱歌、拍戏、出唱片、做生意、开演唱会，今次想开心share一个表演舞台畀佢哋。」

马仔成立咗非牟利机构，未来会多做社会福利工作。

今次马仔请来好友陈志云及唱得之人泳儿、JW、钊峰、余香凝和乐队spACE做嘉宾，而10月26日生日当晚就指定同「女神」周慧敏共度，只可惜契妹钟嘉欣不在港：「早年我同黎珈而系同门，我哋合唱过《春风报喜》及《求婚勿语》，所以会请埋佢嚟捧场，o依家好难请到美容集团上市主席上台合唱㗎嘞，到时睇情况捉埋佢上台献『声』倾吓偈啦；至于《夜长梦多》MV女主角张玉珊都会系座上客，上两个月先一齐食饭敍旧，慨叹时光飞逝，咁就20几年。」提到身边个个女性友好都上晒岸，他笑言：「我要靠自己，相对我只开到家细公司咪惨啰，o依家仲要挨。不过，我人生睇法去到另一个方向，余下时间，除做音乐嘢，仲会成立电影公司，搞咖啡、学校及有机产品生意，最重要系多做社福嘅事，目前经已成立咗非牟利机构。我由零到有小小能力，发觉到人生唔止揾钱，要回馈社会帮助弱势社群。」

马浚伟指定由「女神」周慧敏陪他过生日。

睇番昔日《春风报喜》MV，马仔同黎姿拎住碌炮仗Fing Fing吓，笑到碌地。

马仔自编自导自演首个电影作品《生前约死后》，女主角系影后顾美华。

马仔Keep住拍剧，之前同胡定欣拍《宫心计2深宫计》玩出浴。