爱得好小心 !

汤洛雯在《丫鬟大联盟》中演的丫鬟「月皎」，为了帮心上人「傅有为」（谢东闵）上京考科举，甘心卖身为婢，认真恋爱大过天。现实中靓汤自认有拖拍一样瞓晒身，所以择偶要审慎，不过单身年多的她，一啲都唔心急，自认好宅的她，更要求对方先倾3个月电话了解，再慢慢约出街，免得未开始已被传媒影到要解释，相当小心㖞！

港姐出身的靓汤，绝对是靓女索得起。

靓汤早前顶替黄心颖拍《法证先锋IV》时，体重达高峰期140磅，靠计算卡路里饮食及做运动成功搣甩20磅肉的她，除了感身体出问题外，原来有把声音令她扚起心肝去减，「我嗲哋系唔多出声，好认真𠮶种人嚟，佢都同我讲『汤洛雯你快啲减肥啦！你真系好过份！』我上镜同真人佢都顶唔顺呀！」

32岁的靓汤最近瘦咗又靓番，她更坦言自己性格不排除揾到啱对象闪婚。

靓汤话同黄心颖、洪永城和谢东闵拍摄时正值冬天，夜晚大家各自买小食去开工，气氛好又开心。

去年跟拍拖4年的罗天宇分手后，靓汤一直单身，早前两人去挪威拍《3日2夜》被指翻挞，不过随着本报踢爆罗天宇挞着戴祖仪后，靓汤仍然未有着落，不过她话唔心急，「未遇到一个啱嘅，不如就单身，我要拍长拖，认识要好长时间，同埋我系几恋爱大个天，会摆晒个心落去，情绪起伏好大，所以要小心啲。」

靓汤跟父亲汤镇宗一家感情好，早前更以4千多万买入马鞍山云海别墅Lily Avenue的2千多呎别墅。

讲到靓汤择偶要求，原来都几「高」，「细个要靓仔，家最着重心地善良，同埋孝顺，外貌上最好180cm以上高，因为我个头比较大，高小小好啲，唔想好似保护佢咁。」连父母都投诉好宅的她，谈到揾对象仲有补充，「大家要倾3个月偈先，再出街，我唔想去啲太远嘅地方，好懒呀！哈哈！两个人出去食饭，畀人影到又要解释，唔想好似承诺咗咁，以为系一对，但我唔系高窦呀！唔系要追好耐𠮶啲，啱嘅我追佢都得㗎！」

靓汤坦承拍《法证先锋IV》时压力好大，唔食嘢都唔瘦。

靓汤14年跟罗天宇拍拖4年后分手，两人再见亦是朋友。