新剧热播中。

黄智贤（Ben）最近在新剧《黄金有罪》演富二代「唐昊峰」，他笑言难得可演二世祖，虽然角色经历不少起跌，不过亦有好多难忘戏份，譬如去夜总会玩向天大洒金钱，以及在后巷畀人淋屎；而相隔26年再跟张兆辉合作，感觉依然亲切。讲到鼠年愿望除了身体健康，他笑言希望屋企3只宝贝狗狗，唔好再周围便便。

Ben预祝《头条》嘅读者，鼠年个个都心想事成！

以往Ben多演基层角色，好少做有钱人，「今次呢个唐家二少，完全系个二世祖嚟，如果顺景本来系冇乜缺点，但系佢EQ真系好低，逆景时问题就出现，除咗要同曾航生演嘅阿哥争身家，仲因为娶咗陈自瑶演嘅老婆，令Lily姐（梁舜燕）演嘅阿妈好唔钟意，佢一生都好大起跌㗎！」讲到难忘戏份，Ben说：「我未试去夜总会玩，仲好豪咁向天系咁掉钱，虽然系道具，但感觉真系好正，仲有就系喺后巷畀人淋屎，𠮶日排到最后拍，拍完个个收得工，得番服装姐姐等我冲身。」

Ben称演二世祖，有好多难忘戏份。

「唐二少」低潮时，惨到要跪在墓前向家人忏悔。

剧中Ben演的「唐二少」本来是张兆辉演的泰国华侨「荣木桐」老板，后来两人命运逆转。

Ben家中的三位千金，左起：Donut 、Cupcake及Cream。

「唐二少」跟秘书Mona（陈自瑶）的婚姻，一直受家人反对。