Candy表示跑步是她开心的泉源。

近年战胜情绪病的卢巧音（Candy）年前听从医生建议，做有益身心带氧运动，由网上健身操开始，到后来被老公Sammy（乐队Kolor的主音苏浩才）成功游说加入跑族行列。由抗拒到热爱，Candy于周日（10日）更会冲出香港远赴日本名古屋，迎战人生首个「全马」赛事。未出发先兴奋，她开心说：「对我嚟讲，依家揾到想要嘅嘢就系跑步，开心就够！」

07年开始，Candy受抑郁症所累致暴瘦。

17年，卢巧音击退抑郁症，重踏舞台在麦花臣开骚，获曾同病相怜的郑秀文上台力撑。

因为Candy左脚上5吋下5吋有粒好似乒乓球的旧患，只要行得快都会痛，受脚患所困，跑步对Candy来说好艰难：「自从07年开始患上抑郁症，情绪唔好，咳、哮喘…身体毛病都出晒嚟，唔想一直依靠药物，唯有听医生建议行山、游水郁吓，老公见我体能有番咁上下，话不如陪我跑吓，结果我真系跑得到，开始建立信心，仲意外地，跑跑吓旧患消失了。带氧运动真系可以令人开心，治疗到抑郁。15年打后我无再食抗抑郁药，医生叫我：『唔使返嚟，唔想见到你！』依家连哮喘药都停埋。」

Candy好鼓励抑郁症病友，选择跑步来医病。

首次出战「全马」，Candy没给自己压力，「呢𠮶女子马拉松容许跑手跑6至7个钟，比平日5小时迟收闸。几十岁人，我只系想睇吓能否应付得到呢个旅程，同埋追小小时间，而且可以提升一吓跑姿，赞助商有提供教练帮我，老公又系我跑步助教。教练Check过，目前状态可以五小时内返到终点，对我嚟讲经已算系达标。但我唔容许自己行返终点，呢个系体育精神！」

跑步后，Candy两公婆多咗共同话题，感情大增。

Candy又满足道：「依家我好开心，终于有样嘢可以自己一手一脚创造出嚟。跑步𠮶种系自high开心，唔想有人喺身边，连老公都唔要；至于玩音乐系一班人齐齐high，系两个feel。」

跑步期间，Candy好enjoy一个人睇靓景。

Candy早前再跟蔡卓妍（右二）和郑希怡（左二）等合作，拍英皇电影《感动她77次》。