好恩爱啊~

黄德斌近排人气急升，皆因刚播完嘅无线剧《婚姻合伙人》中，佢有场强奸咪神高海宁嘅戏，加上离开大台后，片约不绝又有event揾真银。近排佢就忙住拍摄英皇电影《怒火》，日前傍晚终于有时间同老婆拍下拖，两夫妇去咗圆方拍拖睇戏食饭shopping兼买𩠌，得一日假，梗系要用尽啲啦！ 

两公婆坐低叹拉面，才取车走人。

黄德斌去年离开大台，凭《逆流大叔》首获提名金像最佳男配角，其后与刘德华、刘青云合作拍摄《拆弹专家2》，又与周润发合作《骄阳岁月》。近日，佢亦有份拍摄陈木胜执导嘅英皇电影《怒火》，戏中与甄子丹及谢霆锋合作，自然不乏动作场面，打到周身痛，之后紧接又开另一部警匪片，暑假都无得休息。

保养得好好嘅黄德斌，原来爱食蔬果，呢日买咗苹果、水蜜桃、木瓜等。

黄德斌有睇吓衫，似想置装出骚。

日前傍晚，难得有日假，德斌做番廿四孝人夫陪老婆Joyce行圆方。见两公婆喺戏院行出嚟先去睇衫shopping。人夫睇吓男装，又与认出佢嘅店员笑笑口打招呼，表现亲民。行咗几间，德斌无收获就陪爱妻行吓超市，二人买咗大量蔬果，食得咁健康，唔怪得德斌年过半百都keep到一身爆肌身材啦！买咗两大袋𩠌后，两夫妇随意喺超市外拣间小店坐低叹拉面。二人一边食，一边有讲有笑，恩爱放闪。

Man爆黄德斌一手拎住两袋𩠌，同老婆一齐睇单。

黄德斌老婆Joyce手拎暖壶，同老公去街都share滋阴饮补品。

黄太间中爱繑实丈夫，好恩爱㗎！

早前，黄德斌喺大台嘅告别作《婚姻合伙人》播出，同高Ling有亲热戏。

去年，黄德斌终于迎娶圈外女友Joyce入门，仪式简单又温馨。