分开过节？

圣诞是普天同庆的日子，当然要约一大班朋友出来庆祝啦！昨晚，蔡思贝（Sisley）和汤洛雯（靓汤）则出Po自爆一起于家中过圣诞，二人更着晒「姊妹装」于圣诞树前，好温馨地揽住狗仔影合照，其中一张Sisley仲好肉紧咁作状咀靓汤，Sisley以英文留言：「S for sisterhood, for strength and for Santa! Merry Christmas everyone!」又Sweet爆Hashtag「ibroughtmetoyou」，见她颈上绑上丝带，唔通当自己礼物送畀靓汤？不过咁肉麻的招数，是否应该对住「男友」胡鸿钧（Hubert）做先啱呢？

胡鸿钧（右）与马国明一齐比心心，好HeHe！

无独有偶，蔡思贝亦玩SheShe（右）啜爆汤洛雯。

以往大Party都不时见到Hubert与Sisley同场，不过未知是否早前被踢爆暗挞呢？搞到这对「绯闻男女」好低调，今年圣诞都暂时未见二人的合照，Hubert更突然转玩「HeHe」！他昨晚于社交网分享与马国明（马明）的合照，相中着住「姣婆桃红Tee」晒老鼠仔的马明，仲同Hubert一齐用手合并出一个「心心」，Hubert搞笑留言：「我叫佢揾件红当当啲嘅衫嚟应吓节，佢话我知佢专登摷番呢件家传之宝1001件嘅粉红色Tee出嚟，我好感动。」之后又爆马明主动摆「心心」Pose，他续说：「个下杀咗我一个措手不及，部相机唔系好想对焦落我哋个样度，所以蒙蒙哋敬请见谅！」最后更自嘲朦胧中「仲靓仔咗」，认真爆笑！

「绯闻男女」蔡思贝和胡鸿钧分别约老友过圣诞。

被记者不断追问，蔡思贝都强调同胡鸿钧只系好朋友。