几衬吖！

陈家乐、陈滢(Jeannie) 呢对绯闻男女去年8月拍剧《廉政行动2019》传挞着，12月被影到喺中环撑枱脚叹烧肉，年尾更被爆拍拖游东京，甜蜜共度4日3夜，共度除夕及倒数迎新年，去到今年10月就指两人共筑爱巢试婚！传足绯闻一年多，两人都唔再太避忌，反而想以情侣档姿态拍住上，喺逆市揾真银！今日两人不约而同喺IG度上载合作拍嘅服装品牌图片，相中两人潮著运动服，剪了一头短发的Jeannie青春逼人，她更轻搭住男方肩膊Chok住影相。

去年8月两人合作拍剧《廉政行动2019》被传挞着。

网民对女神Jeannie的评论主要落喺她的新发型方面，唔少留言话：「短发超好」、「好靓女」、「这个发型很显你的气质」！亦有指两人真系好衬！最搞笑竟然话：「（短发）第一眼以为系高Ling。」

陈家乐、陈滢被赞外型好合衬，但竟然有人话陈滢嘅新发型，睇落有啲似高海宁，换言之系咪高Ling同陈家乐都合衬？

至于陈家乐留言：「第一次同@missjn剧集以外嘅合作，套衫演绎casual得嚟都可以好stylish。」唔少留言指两人：「型」、「帅」、「好衬」、「Perfect match」，看来对呢对绯闻情侣好受落。

陈家乐、陈滢。

陈家乐与陈滢外出被拍。