边集《星战》最正？

网上图片

2012年，迪士尼用40.5亿美金（约315.9亿港币）买下的鲁卡斯影业 (Lucasfilm)，当然包括《星球大战》系列版权，迪士尼于2015年就拍左《星球大战：原力觉醒》(Star Wars: The Force Awakens)重启全新三部曲。

「星战之父」佐治鲁卡斯

不过，有指其实「星战之父」佐治鲁卡斯(George Lucas)不太钟意 《星球大战：原力觉醒》，当年在电影上画时，鲁卡斯就受访大弹呢部戏「复古」，仲话自己好似卖左个仔去做奴隶咁。但他之后就情绪化发言而道歉，指自己𠮶阵用左非常唔适合嘅方式去形容呢件事，仲话其实系好尊重迪士尼嘅做法。

网上图片

最近，迪士尼CEO卜·艾格 (Bob Iger)最近出版自传《Ride of a Lifetime: Lessons Learned From 15 Years As CEO Of The Walt Disney Company》，主要系纪录他做CEO逸事，并大爆一些有趣内幕。

网上图片

卜·艾格书中表示，迪士尼收购鲁卡斯影业头几年相当难挨，因为喺当时佐治鲁卡斯唔太想放开《星战》系列，佢亦都因为最后冇办法照足佢谂法去拍新三部曲而觉得非常失望。所以佐治鲁卡斯睇完《星球大战：原力觉醒》之后，心中五味杂陈。卜·艾格就话：「喺全球公映呢部戏前夕，鲁卡斯影业嘅CEO 嘉芙莲甘迺迪(Kathleen Kennedy)就畀佐治鲁卡斯睇左套戏先。𠮶阵佢睇完劲失望，同埋话『呢部戏完全冇新嘢』。对佐治嚟讲，可以喺原版三部曲嘅每部续集加入全新嘅世界、故事、人物同埋技术系好重要嘅事。但系喺呢一集，佢就话『喺视觉或者技术上都冇足够嘅进步幅度』。」

网上图片

佐治鲁卡斯相当诚实，佢毫无掩饰咁公开评价《星球大战：原力觉醒》，卜·艾格都觉得其实佢嘅批评系有道理。不过，艾格都深信拍《原力觉醒》系列系好重要，只有咁样先可以继续吸纳多啲《星战》迷。《原力觉醒》系令到《星战》系列顺利由鲁卡斯影业过渡去迪士尼嘅桥梁。所以不论喺视觉或者主题入面，甚至连剧本都要原版差唔多，令到影迷有种熟悉嘅感觉。

其实都睇得出卜·艾格不太愤气，虽然他承认迪士尼某些决策失当，迪士尼太心急想延续此经典，不过他仍然相信当时决定没有错。

幸好，佐治似乎开始又满意返《星战》系列，例如喺佢喺《侠盗一号》片场入面，都系同导演加利安爱德华斯（Gareth Edwards）讲下笑话，而唔系评价故事，有消息指其实佢几满意《侠盗一号》。之后嘅《星球大战：最后绝地武士》（Star Wars: The Last Jedi），佢唔太钟意某啲位，但整体嚟讲其实都系赞多弹少。