2016年12月26日 晚 一啲都唔冻嘅boxing day night

点解人有咁多烦恼, 唔系为咗生活就系感情, 再唔系就系为咗身体嘅健康, 生存, 生命。

寻日喺line群有人send咗条外国教授哲学短片, 人有几多重要嘢要顾, 实在多到爆啦,

其实真系顾唔嚟㖞!!

既然顾唔嚟, 不如就拣个最重要嘅嚟顾就好啦!!

你心入面最重要系咩嘢呢?

真系唔好谂咁多, 咩都唔及身体健康最紧要, 冇咗副偈, 乜都唔使玩...

所以我呢度多咗个分类就系保健知识, 因为而家人类避唔过呢啲文明病,

喺人生过程中, 你我之间见一次就少一次咁喺度倒数紧生命,

虽然好似讲得好消极, 其实系要睇清楚真实嘅生命,

要应该正面啲去面对自己嘅人生,

应该要好好对自己照顾自己养好自己, 同时好好珍惜你最紧要嘅人, 最紧要嘅人, 最紧要嘅人!!