系乜？

就系砵酒 (Port) 喇！

砵酒都算系葡萄酒嘅一种，中文就叫加强酒，

英文叫 Fortified Wine，意思系咩呢？

简单讲，就系将啲葡萄酒嘅酒精加强，

加就好简单嘅，就系加啲烈酒上去~

一段嘅葡萄酒酒清嘅最高浓度都就 15% 度，

所以要提高浓度，方法就系加烈酒喇！

之前上堂已经饮过 雪利酒 Sherry ，

今次就饮砵酒。

呢支酒系上星期日喺玛莎 (Mark & Spencer) 买，

其实我都几钟意啲喺呢度买，佢有唔少酒都几好，

最重要嘅系......佢而家买六支有八八折~

我呢支砵酒都系一百蚊到，平到呢~

砵酒前先饮两支！

葡萄牙嘅红酒......(Sorry，道行唔够，唔知系咩红酒)

白酒就系之前喺讲过喺百佳买嘅 Gewürztraminer

一日饮三支酒？假嘅，支红酒饮剩一杯，白酒就只系得半支~

 

现场嘢食真系咩都有，咩都可以试~

我地有：

叉烧

M﹠M

海蜇

强国麻辣花生

Blue Cheese

凡系砵油都会有条花纹贴纸，非常精美。

 

上面影清楚啲！

 

佢俾我嘅感觉......我犯了拥有淫亵及不雅物品罪.......

 
拼叉烧......喱民们不试也罢。

 

强国麻辣花生，我一路试一路谂：「我食完再沟酒会唔会死架？！」

最后，主角要出场喇！

 

我相信大家都可能听过，砵酒衬芝士系一个经典绝配，

我呢啲喱民就紧系要试试啦，

呢个都系我买砵酒嘅目的！！（其实Blue Cheese 都摆咗两个星期喇....）

讲番支酒先～

砵酒系葡萄牙专门出产嘅酒，主要产地系北面嘅 Douro，

年份系数2006年。

味道系......劲甜，甜到漏呀！

我一饮完，谂到嘅并唔系 Blue Cheese，而系雪糕！

甜撞甜一定好正！（故事系有下集嘅！）

咁我饮完就紧系要食啖芝士应一应景啦！

结果系......的确芝士嘅腻同过份浓郁嘅味道都可以被砵酒中和，

饮完系几舒服嘅！

但......当时我当脑子谂嘅只有......雪糕......忘不了！

下回再续！