係乜？

就係砵酒 (Port) 喇！

砵酒都算係葡萄酒嘅一種，中文就叫加強酒，

英文叫 Fortified Wine，意思係咩呢？

簡單講，就係將啲葡萄酒嘅酒精加強，

加就好簡單嘅，就係加啲烈酒上去~

一段嘅葡萄酒酒清嘅最高濃度都就 15% 度，

所以要提高濃度，方法就係加烈酒喇！

之前上堂已經飲過 雪利酒 Sherry ，

今次就飲砵酒。

呢支酒係上星期日喺瑪莎 (Mark & Spencer) 買，

其實我都幾鍾意啲喺呢度買，佢有唔少酒都幾好，

最重要嘅係......佢而家買六支有八八折~

我呢支砵酒都係一百蚊到，平到呢~

砵酒前先飲兩支！

葡萄牙嘅紅酒......(Sorry，道行唔夠，唔知係咩紅酒)

白酒就係之前喺講過喺百佳買嘅 Gewürztraminer

一日飲三支酒？假嘅，支紅酒飲剩一杯，白酒就只係得半支~

 

現場嘢食真係咩都有，咩都可以試~

我地有：

叉燒

M﹠M

海蜇

強國麻辣花生

Blue Cheese

凡係砵油都會有條花紋貼紙，非常精美。

 

上面影清楚啲！

 

佢俾我嘅感覺......我犯了擁有淫褻及不雅物品罪.......

 
拼叉燒......喱民們不試也罷。

 

強國麻辣花生，我一路試一路諗：「我食完再溝酒會唔會死架？！」

最後，主角要出場喇！

 

我相信大家都可能聽過，砵酒襯芝士係一個經典絕配，

我呢啲喱民就緊係要試試啦，

呢個都係我買砵酒嘅目的！！（其實Blue Cheese 都擺咗兩個星期喇....）

講番支酒先～

砵酒係葡萄牙專門出產嘅酒，主要產地係北面嘅 Douro，

年份係數2006年。

味道係......勁甜，甜到漏呀！

我一飲完，諗到嘅並唔係 Blue Cheese，而係雪糕！

甜撞甜一定好正！（故事係有下集嘅！）

咁我飲完就緊係要食啖芝士應一應景啦！

結果係......的確芝士嘅膩同過份濃鬱嘅味道都可以被砵酒中和，

飲完係幾舒服嘅！

但......當時我當腦子諗嘅只有......雪糕......忘不了！

下回再續！