有没有台湾的朋友，方便解释一下画红圈圈这句话的意思吗？
讲了半辈子闽南语我居然不懂。
题主是闽南语人，咱家己人，毋知影有这句「好运的著时钟，歹运的著龙眼」。按呢，这句大概是台湾遮的咱人话所发展出来的一句话。所致虽然是家己人的题主，煞毋知意思，煞著爱提出来问矣 ^_^
【语言学上，有一个术语叫做「innovation」，有用来咧描写这种状况。也就是，仝语族人，若有对语言原乡湠开，开枝散叶，湠开到无仝所在阁继续生湠了后，伫语言上，佮原乡之间，抑是原乡佮徙去别个所在湠生的仝语族人之间，有伫后来，各自产生无仝款的语言现象(词汇、表达方法/讲法，甚至音韵佮语法，种种方面的现象)，彼种伫后来产生的无仝现象，个别抑是整体的相关现象，就会当以「innovation」这个术语，来指称。嗯，像英语，美国英语佮英国英语，互相之间，就嘛有这种现象。是仝一个语言分开发展了后，加减拢有的正常现象。其实，就准讲伫漳泉原乡，漳泉之间，漳州各地之间抑是泉州各地，若长期较无咧互相接触的地界的咱人话之间，嘛有这种现象。】
转来主题。
题主提出来问的这句话「好运著时钟，歹运著龙眼」，是一个话语意思的讲法；是以一个具象而且已经固定的语词句，做转喻，用来咧讲较抽象的意思。这句话，是咧讲，人咧好运抑是歹运，抑是好运的人佮歹运的人，这种好运佮歹运的状况之间的差别的一种较活跳的讲法。这句话的来源，应该是较早前彼个时代，物资毋是像后来佮这马遐尔仔丰沛，若有咧抽奖，时钟，伫彼阵就算是诚贵重的实用物件，就算是大奖、头奖矣。抽著大奖、著时钟，当然是好运才得会著。啊若龙眼，是无啥价值，是连小奖都抽无著、运气?的人的「安慰奖」尔尔。
仝这个意思，表达仝款意思的这句话，仝款伫台湾，嘛有讲做「好运(的人)著时钟，歹运(的人)著火拭仔/番仔火」。后面彼段的具象物，是用番仔火/火拭仔来讲。
番仔火/火拭仔，也就是普通话叫做「火柴huǒchái」的彼个物件，应该是较符合早前这句话的本底的实况 --- 连小奖都抽无著的人的「安慰奖」，是火拭仔/番仔火，这种足粗俗、阁无季节限制的家庭细项基本用品。龙眼毕竟有季节限制，毋是规年迵天拢有的物件。
不而过，毋管讲做「番仔火huan-á-hué」抑是「火拭仔hué-tshit-á」，这就无像「龙眼l?ng-gíng」佮「时钟s?-tsing」之间有押韵，会当遐斗句，而且字数阁对甲峇峇。歌词讲究押韵，所致这首歌的作词人，就选择以有斗句的「好运著时钟，歹运著龙眼」的讲法，来写入歌词内面矣。
嗯，题主是闽南人，歌词整体意思佮语音，对题主毋是问题。毋过，我也是共这首歌的歌词，规个拍做咱闽南语的正字，阁用闽南语专用的台罗拼音，逐字做注音；同齐伫逐逝歌词的后壁，踮乌角箍仔【】内面，以普通话做翻译抑是量其约仔释义。就按呢处理过的规首歌词，我共伊囥伫下底：
《袂振袂动》Bē-tín-bē-tāng
向蕙玲 Hiòng Huī-l?ng------------------------------------------袂振袂动【动弹不得】
buē-tín-buē-tāng情路牢车寸步难【爱情路上车子抛锚寸步难行】
ts?ng-lōo tiau-tshia tshùn-pōo lan好运著时钟【别人运气好，抽奖抽中大奖】
hó-ūn tio?h s?-tsing歹运著龙眼【我倒楣，啥都没抽中】
pháinn-ūn tio?h l?ng-gíng欲怨欲怪啥人【该怨谁，要怪谁】
beh uàn beh kuài siánn-lang掠准有向望【以为有可寄望】
lia?h-tsún ū ?g-bāng爱著人【爱对了人】
ài tio?h-lang满载入港【爱情丰收可有圆满结局】
buán-tsài ji?p-káng无疑一个试探【没料到，一个试探之下】
b?-g? tsi?t-ê tshì-thàm得著的答案【得到的答案】
tit-tio?h ê tap-àn竟然你早就是【是竟然你早就】
kìng-jian lí tsá tiō-sī厝内牵手有人【家里有人可牵手(「牵手」若为名词是如「家后」等等词一样，是妻子的另称)】
tshù-lāi khan-tshiú ū-lang真是悲哀苦叹【真是令人悲哀苦叹】
tsin-sī pi-ai khóo-thàn袂振袂动【动弹不得】
buē-tín-buē-tāng情路牢车寸步难【情路上车子半路抛锚，进退不得】
ts?ng-lōo tiau-tshia tshùn-pōo lan继续蹽落去【已经下水渡河，是要继续走下去】
kè-sio?k liau--lo?h-khì抑是到遮錾【还是就在这里斩断喊停】
ia?h-sī kàu tsia tsām情关行到这坎站【情关走到这个关头】
ts?ng-kuan kiann kàu tsit khám-tsām何去何从【何去何从】
h?-khì h?-tsi?ng叫阮按怎收【这叫我怎么收】
kiò gún án-tsuánn siu欲如何放【要怎么放】
beh j?-h? pàng好运著时钟【运气好的人抽中时钟】
hó-ūn tio?h s?-tsing歹运著龙眼【倒楣的我，只能有不是奖项的龙眼】
pháinn-ūn tio?h l?ng-gíng欲怨欲怪啥人【想怨想怪，该怪谁】
beh uàn beh kuài siánn-lang------------------------------------推荐阅读：
