二十大过江龙日本拉面！竟然连红爆香港嘅一兰都系得第三名？

日本拉面，港人最爱

香港人，最爱去边个地方玩？相信大家都识得答，唔系欧美，唔系台湾，而系日本！日本有咩咁好？有礼貌，有文化，多靓女靓仔啰。日本，最吸引香港人嘅地方，都唔系以上呢几点。正所谓民以食为天，香港人咁有钱，讲求系识饮识食嘅生活品味。如果我哋留意返香港人出国哋地方，日本一直以嚟都系名列前矛，皆因日本太多好嘢食，令人留连回味再三。鱼生、炸天妇萝、生蚝、拉面！日本无得成日去，但日本直接嚟咗香港开店，等紧大家食！今日就等DailyView用大数据话畀大家知，日本二十大到香港开店嘅拉面店系边间喇！

DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。

image source:

10 面鲜酱油房周月

——米芝莲6年推荐

嚟自日本四国爱媛县嘅「面鲜酱油房周月」，顾名思义系用鲜制嘅面条同酱油汤汁做为主打嘅沾面、拉面专门店。面鲜酱油房周月喺2012年杀入香港，沾面文化都系呢间店一手引进，面嘅汤底系由依自家食谱研发出嚟，各种材料加埋鸡汤慢煮半小时。其中铜锣湾仲推出午市套餐，只要59蚊就可以食到沾面。米芝莲由2014到2019年，都推荐呢间面店，真系好有实力！

image source:FB/面鲜酱油房周月 Shugetsu

9 金田家かなだ家

——香港开店5周年

「金田家かなだ家」日本拉面店，嚟自日本九州地区，已经开设咗4间分店！金田家かなだ家用心经营，今年迎嚟开店5周年，推出咗好多回馈香港客人嘅活动。早前8月20号，仲搞咗个感谢祭大抽奖，金田大将为咗答谢香港fans5年来嘅支持，拍埋影片，仲有奖品。近日推出88蚊拉面，黑松露慢煮叉烧拉面、西班牙风番茄海鲜汤拉面同地鸡浓白汤拉面，大家不妨一食。

image source:FB/金田家かなだ家 HK

8 神虎面商店

——肥美汤底

日本大板嘅「神虎面商店」，唔同之前另一间「神虎拉面」，呢间系名正言顺由日本开设喺香港嘅分店。日本师傅主理，除咗有元虎（普通猪骨汤底）、黑虎（黑蒜油猪骨）同赤虎（辣味猪骨汤）外，香港地区仲推出埋樱花虾面豉拉面，值得爱好新口味嘅朋友一食。入面嘅小食都好出名，神虎炸鸡块更系当中嘅表表者。最近仲有广岛蚝沾面限定，各位同好要食就快喇！

image source:FB/神虎麺商店 Kamitora Tonkotsu

7 我武者罗

——食与健康

「我武者罗 Gamushara」，嚟自东京涉谷幡ケ谷，社长莲沼司喺2005年创立。莲沼先生一生都坚守「要在味道与健康之间寻找绝佳平衡」嘅饮食创作宗旨，其中「生姜酱油拉面」正系佢最知名嘅作品。「我武者罗」曾经参与日本电视饮食节目「东京拉面激战区」，取得第一位嘅荣誉，证明咗佢喺咁多对手之中杀出重围！2019年，我武者罗走入香港，只为将食与健康送畀我哋。

image source:FB/Gamushara 我武者罗

6 鬼金棒

——世界最辣

日本东京知名面店「鬼金棒 Kikanbo」，呢间东京过江龙，由异地到香港嘅味道，始终如一。店内所有细节都经由日本社长三浦正和 (Masakazu Miura) 严格规管，力求做到完美。鬼金棒最出名嘅系一个字，辣。佢主打麻辣味噌拉面，一共有5款辣度，最劲嘅仲要用埋世界最辣嘅「千里达毒蝎布奇椒」制成汤底，劲过咩谭仔特辣多多声！如果你系钟意食辣，呢间日本拉面店，必食。

image source:FB/鬼金棒香港 Kikanbo Hong Kong

5 一幻拉面

——甜虾汤底

日本札幌名物「一幻拉面 Ebisoba Ichigen」，2009年由总店长林直树先生 (Mr Naoki Hayashi) 创立。呢间面店主打香稠浓郁嘅甜虾汤底，好快就令全日本国民成为俘虏，各国嘅旅客都因为佢而慕名而来，开业短短几年已经成为日本札幌名店之一，喺海外设立多间分店。特浓虾汁叉烧拌面、盐味虾汤粗面、虾味饭团、一幻叉烧饭，全部都系多人力荐必食，钟意虾嘅香港人最爱。

image source:FB/一幻拉面 Ebisoba Ichigen Hong Kong

4 霸吗拉面

——登陆4周年

「霸吗拉面 Bari-Uma」，号称广岛最强浓厚拉面，喺香港一共开设咗5间分店，大受港人欢迎。早前霸吗拉面仲搞咗「霸王餐PK赛」，2人一组，30分钟内要完成一碗霸王拉面，霸王拉面碗直径达35.56cm，份量是正常嘅4倍，引起网民热议。今年系佢喺香港4周年，仲有庆祝活动，「4蚊啤一啤」，即系食一份正价拉面，就可以用优惠价$4换购札幌Sapporo生啤一樽，真系抵！

image source:FB/霸吗拉面 Bari-Uma

3 一兰拉面

——天然豚骨拉面

万众期待嘅日本超人气拉面店「一兰拉面」，不久前全球首间海外分店选择喺香港开设，即时引起网民热议。一兰拉面最初开店，香港人为咗一尝美食，仲要大排长龙，上埋报纸。一兰拉面主打正宗嘅天然豚骨拉面，同时又希望将整个一兰拉面嘅体验带畀香港人，等香港食客可以置身日本一兰店咁。咁多香港人食完都致力赞，你又食过未呢？喺冬日之中食吓一兰拉面，正！

image source:FB/天然豚骨拉面专门店一兰〈香港〉

2 一风堂

——潮流先锋

嚟自日本九州福冈博多嘅面店「一风堂」，由享誉国际嘅神级拉面大王河原成美(Shigemi Kawahara) 创办，目前系日本分店超过60间！创办人河原成美曾喺TV Tokyo制作嘅「TV Champion – 拉面职业选手锦标赛」连续赢得三届冠军，2005年荣获「拉面大王」嘅美誉，已经系殿堂级席位喇。而一风堂以颜色命区分汤底 – 赤丸新味及白丸元味，更系首开先河。一风堂认真把炮！

image source:FB/Ippudo HK 一风堂 (香港)

1 座银 Zagin Soba

——中高档路线

日本知名面店「座银 Zagin Soba」，嚟自大阪嘅座银主打鸡白汤拉面，仲有沾面发售，汤底系用原只鸡高温长时间熬制，奶白色嘅清澈，绝不油腻，味道仲要好浓郁。佢哋将鸡白汤打成轻盈泡沫，入口更感细滑。拉面系用粗身方形面，带点烟韧，同浓稠嘅鸡白汤配合得相当好。最近仲推出咗限定限量嘅炙烧鸭肉舞茸拉面，真系有钱都未必食到，如果大家有心记得早起排队喇。