香港人最爱日本料理！五大回转寿司店食过未？

日本美食，港人挚爱

香港深受日本文化影响，甚至唔少香港人都视日本为自己嘅家乡。日本，呢两个字代表高质，代表美好，难怪每年香港去日本旅游嘅人，都咁鬼多喇！有唔少香港人，只要有短期假，就算只系得两三日，都会去日本休息吓。但无论有几爱日本都好，香港人始终都喺香港生活，边有得成日享受日本嘅正嘢。正因为咁，日本美食就喺香港大行其道，好似回转寿司店，几乎日日都排晒长龙，个个都去食，喺香港极受欢迎。今日就等DailyView用网路大数据话你知，香港人讲得最多嘅五大回转寿司店系边几间喇！

DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。

5 板长寿司（349笔）

——ITACHO

板长寿司，日文名ITACHO，原意系指「总料理长」，即系煮嘢食煮得好劲。喺唔少香港人眼中，板长都代表咗CP值高嘅寿司，而且周不时都会推出新嘅寿司，令好多食客都有正嘢食，好似秋季就有「秋刀鱼」限定咁。北海道海域新鲜直送嘅秋刀鱼，有刺身、寿司两种食法，真系令人食指大动。板长寿司每个星期三有会员感谢日，喺11月，仲特别推出逢星期一至星期三会员全日都有8折优惠，认真识做公关㖞。好多分店有回转寿司，又有得即叫即握，咁贴心嘅服务，难怪咁多香港人钟意。

image source:

4 千両（753笔）

——高档路线

千両，源自日本关东栃木县嘅极品回转寿司店，虽然系「元气寿司」旗下嘅连锁店，不过呢，千両走嘅路线明显高级好多，不论系食材、装修，都明显系香港市面嘅有心食店。千両寿司店成日都会推出限定食材，吸引更多食客，好识做生意。好似近日就推出咗活赤贝同裙边卷寿司、军舰，一种食材两种口味，尽见职人厨艺。千両由8月起仲特别推出咗之前都有做过嘅「丰洲特撰．职人寿司」期间限定餐目，喺日本丰洲直送顶级嘅食材嚟到香港，真系喺香港都直接品尝到日本食材，同去日本一样！

image source:

3 争鲜（3339笔）

——台湾品牌

1996年喺台湾创立，而家已经成为台湾回转寿司最大嘅品牌，杀入香港之后，亦都深得香港人嘅喜爱！争鲜，可能系香港最出名嘅回转寿司店，火红嘅程度，真系每个地方都总会见到几间分店。点解决会咁受香港人欢迎？原因无他嘅，紧系同价钱有关喇。争鲜均一价8蚊碟，真系价廉物美，8字好意头，食完一定发。争鲜贴近民心，仲成日抢先推出时令限定食材，好似冬季将至，佢哋已经推出咗严选阿根廷赤虾、西班牙剑旗鱼同广岛牡蛎，款款风味独具，每盘只要30蚊。咁抵，仲唔嚟食？

image source:

2 寿司郎（7756笔）

——日本第一

1984年，日本大阪成立咗第一间寿司郎，自此之后火红全日本，至今已经成为营业额榜首，每年嘅来客数，仲超过埋日本总人口加埋！喺日本做到咁出色，紧系要喺外地开分店喇。2019年，今年寿司郎仲喺香港开设首间分店，位于九龙弥敦道348号弥敦坊UG 楼。日本咁出名，自然令香港人趋之若鹜，新开至今日日都大排长龙。唔好以为佢哋见咁受欢迎就唔谂点推销㖞，寿司郎喺11月仲推出咗期间限定海鲜食材，最特别嘅系「日本国产牛 x 海胆」，日本牛，听到个地方名都知系正嘢喇系咪？

image source:

1 元气寿司（9849笔）

——全港最多

元气寿司，嚟自日本1990年成立寿司店，1995年已经杀入香港，真系香港回转寿司嘅老字号。由1995年第一间，到而家全香港已经开设咗超过六十间分店，遍布港、九、新界，成为咗香港人点都会食过嘅回转寿司店。虽然元气寿司咁出名，但佢哋系呢个行业绝对无放松脚步，一直用心为香港食客服务。2019年，元气以「Live The Genki Life」为主题，展开一系列嘅推广活动，每日都用寿司同香港人加加油，相当贴心。最近元气仲推出鲜甜嘅鳕鱼天妇罗期间限定，lunch又有新配搭，真心正！

image source:狂食回转寿司？五大原因话你知

讲完五间香港人最钟爱嘅回转寿司名店，你或者会好奇，点解香港会咁钟意食回转寿司？以下呢五个原因，你就要睇睇喇！到底呢五个原因，同你钟意食回转寿司嘅谂法，有冇咩出入呢？

5 最啱独食（118笔）

——难肥

有时候得一个人，可以选择食嘅嘢认真唔多，好似只系得返堆Fast food咁，食完个人都唔开心喇。不过，其实仲有一样嘢好啱一个人食，又唔怕惊要同其他人夹枱咁烦。呢一样嘢，正系回转寿司店喇！点解最啱一个独食？皆因系单丁位，对住条回转寿输送带，眼前只有美食，唔怕见到人地成双成对。其实间唔中，自己一个享受美食，唔使理其他人，唔使讲嘢，都系开心嘅事。

image source:

4 款式选择多（244笔）

——我要食十碟

好多香港人食嘢，坐低咗睇住个餐牌，好多时都会觉得好辛苦。点解？皆因香港唔少人都患上咗选择困难症！个心七上八落，想食A，又想食B。咁多好嘢食，样样都想叫，但偏偏自己根本食唔晒，个人愈谂愈唔开心。呢样咪系回转寿司吸引香港人嘅原因啰！每碟份量都唔多，每碟款式都完全唔同。只要有心，唔止A同B，食晒二十六个字母都得。老细，我要嚟十碟唔同款嘅！

image source:

3 总有一间喺附近（249笔）

——落街就有得食

元气寿司、寿司郎、争鲜、千両、板长寿司⋯⋯香港咁多间回转寿司，开到周街都系，真系只要喺香港生活，行几步路就会有一间回转寿司系左近。回转寿司，就好似香港食物界嘅7-11便利店咁。唔系讲少，好似争鲜咁，就有咗唔少小铺位只系卖外卖寿司，真系去到行入店内食又得，快快手买返屋止食又得。咁普遍方便就脚，地理位置咁优越，难怪香港人成日去喇。

image source:

2 小朋友最爱（282笔）

——哇自己攞就得

点解咁多人钟情回转寿司？皆因两个字，回转啰！回转有别于其他食法，你系要自己攞，自己等，你最心爱嘅食物千辛万苦终于嚟到你嘅眼前。呢个过程入面，你仲要系度谂，系度希望，前面嘅人唔会决定伸手攞咗你想要嘅一碟。回转寿司仲可以斗边个食得多，小朋友就最爱喇。唔少小朋友都坐唔定，但食回响转寿司，见住寿司转嚟转去咁有趣，回转寿司有得食又有得玩！

image source:

1 平价抵食（6365笔）

——CP值爆灯

香港人食嘢一向嘴挑，唔系好食，唔会买，唔抵食嘅，亦都唔会入去。回转寿司咁受香港人欢迎，最重要嘅原因，当然系要回转寿司够平价抵食喇。直接少少讲，香港人最钟意比较，要CP值爆灯先会成日食。好多人食回转寿司，都系因为香港最出名嘅回转寿司店，都系好食、抵食，价廉物美，呢四个字，已经足够讲出香港人钟情回转寿司嘅原因。唔讲咁多，即刻去食返次先。