2019年最受欢迎的8大类型BB英文名 O字头及含X字名最热门
近年每个BB出世后，爸爸妈妈除咗要烦恼改咩中文名，仲要为BB谂个特别嘅英文名！最近有外国网站预测2019年7大类型嘅热门BB英文名，当中O字为首、或者含有X字嘅英文名成为今年热门趋势！如果你未谂到为仔女改咩英文名，可以参考一吓！
撰文：Sunday Kiss|图片：新传媒资料库、ThinkStocks |编辑：KM
延伸阅读：
【母乳教室】产后汤水助增乳汁 6款简易催奶汤水食疗
【新年小朋友剪头发】新年扮靓 全港必去儿童剪发乐园一览表
2019年最受欢迎 8大类型BB英文名
踏入2019年，越来越多爸爸妈妈喜欢为仔女改个特别嘅英文名。最近有外国网站预测2019年7大类型嘅热门BB英文名，如果爸爸妈妈正烦恼紧要为仔女改咩英文名，可以参考一吓！
1.「O」字头
网站一开首就估计，在2019年开始，「O」字头的英文名会成为热门英文名！其中「Oliver」成为英国最热门英文名，甚至首次成为美国头十受欢迎嘅选择！另外就系「Owen」，呢个名一直高倨头五十，现时为二十八位，大家可以考虑一吓呢！
讲完男仔，以下都有唔少「O」字行头嘅女仔名！例如听上去好有节奏感、长期排头十名嘅「Olivia」都系大热，仲有包括「Octavia」、「Ophelia」，同以「oaky」开首嘅名，好似「Oaklyn」、「Oaklynn」、「Oaklee」、「Oakley」等等，又特别又有记忆点！
2. 较中性嘅选择
唔想太男仔或太女仔？放心，以下有啲「非性别二元」嘅BB名俾你参考一下！「Elliot」就系一个唔错嘅选择，皆因佢仲有其他变化，好似「Eliot」，男女都用得！其他热门嘅中性BB名包括「Briar」、「Campbell」、「Finley」、「Journey」、「Justice」、「Laken」、「Revel」、「Robin」、「Royal」同「Story」， 特别提提「Revel」呢个名涵义系「未知」，「Briar」就喺塞尔特文化入面系指「强壮的人」，「Finley」则指「公平的战士」，个个都非常有意思！
3. 大自然系列
从大自然身上取材都系唔错嘅选择，有强壮雄马意思嘅「Colt」，女仔嘅可以用木兰花「Magnolia」、月亮「Luna」、榛子「Hazel」或者指晨曦嘅「Aurora」。如果你钟情于宝石珍珠的话，紫晶「Amethyst」、翡翠「Emerald」、石榴「Garnet」、黄玉「Topaz」、石英「Sapphire」同碧玉「Jasper」都系近年热门嘅名！
爱好动物嘅又有咩其他选择？唔介意仔女听上多一点「野性」嘅话可以考虑用「Bear」、「Falcon」、「Fox」、「Hawk」或者「Koala」都可以呢！
View this post on Instagram祝大家Happy 2019!!!!
A post shared by 应釆儿 (@yingcaier) on Jan 1, 2019 at 8:43am PST
4. 含「X」字
近来以含有「X」嘅名成为好受欢迎嘅男仔名，好似系热爆嘅「Alexander」嘅缩写「Xander」、代表和平嘅「Axel」或者「Axl」、短小易记嘅「Dax」、头百位受欢迎嘅「Xavier」，或者有唔同串法嘅「Jaxon」同「Jaxson」。
5. 「权力游戏」主题
有睇开「权力游戏」都知剧中唔少角色名都英气十足！好似女皇「Khaleesi」、公主「Lyanna」、「Arya」同「Aria」，都系女仔名嘅热门名！戏外演员嘅真名都好受欢迎，女主角「Emilia」同「Maisie」等等。
6. 美国西部狂野主题
同上面提到野性一点嘅动物名外，大家都可以考虑美国西部牛仔文化下嘅英文名！除咗有勇敢意思「Wyatt」嘅大热选择外，男仔的话可以考虑美国西部嘅「Clyde」、「Boone」、「Stetson」，而女仔可以考虑「Jolene」同「Oakley」，以上都系充满浓浓嘅美国西部本土嘅味道嘅名字！
7.小暱称
唔想大严肃，想为仔女改一个轻松一点又简洁嘅名又有咩提议？大家可以考虑用一啲小暱称，如男仔方面有「Charlie」、「Frankie」、「Mike」、「Theo」，榜首嘅「Liam」都系长写「William」嘅缩写！女仔就可以叫「Ellie」、「Frankie」、「Jenny」同「Millie」。
小暱称都可以行复古风！好似取自美国五十年代受欢迎嘅漫画《阿奇漫画》中男主角名「Archie」、《阿飞正传》中嘅「Alfie」、美国第三十四任总统嘅名字「Ike」同英国摇滚乐团皇后合唱团Queen主音嘅名字「Freddie」都系唔错嘅选择！
8. 参考哈利王子与梅根
紧贴英国皇室新闻嘅你都可以考虑参考哈利王子与梅根嘅提议呢！虽然未有结果，但网站就指「 Henry」同「Arthur」会系男仔名大热，而女仔名则为什「Eleanor」同「Alice」，无论如何系咩名，只要系英国皇室所选嘅都会立马成为大热呢！
延伸阅读：
湿疹者食物禁忌 9大忌吃食物
