【绝世好爸】黄日华曾被埋怨不顾家：「阿女等同冇爸爸一样」
艺人黄日华（华哥）一向都系圈中出晒名嘅好男人，近日佢就同囡囡黄芷晴一齐参加内地节目《女儿们的男朋友》，喺节目上一众爸爸会见住自己嘅宝贝女同「男朋友」拍拖嘅实况节目。节目中，黄芷晴经常都大爆华哥嘅窝心事，仲成日流露出对爸爸嘅爱，令唔少人都大赞黄日华系好老公、好爸爸。
撰文：Kammy｜图片来源：Instagram，节目截图
延伸阅读：
【母乳教室】喂母乳妈妈必学6个上奶喂奶小贴士！
【亲子餐厅】观塘全新韩烧亲子餐厅 亲子韩服体验+超好玩游戏区
黄日华被封「绝种好男人」
现年57岁嘅黄日华，当年同比佢大两岁嘅梁洁华，同样出身无线艺训班，1980年拍《京华春梦》认识，82年拍拖，曾因疗为第三者介入而分手，期间黄日华先后同邓萃雯、龚慈恩拍拖，但始终心系梁洁华。二人88年复合并拉埋天窗，90年诞下女儿黄芷晴。
贴身照顾太太
2013年底，梁洁华喺无预警下被验出患上血癌，需要住院接受治疗，当时华哥日日进出医院，更推哂手头上所有工作，亲自照顾患病嘅太太。华哥不时都被拍到同太太到医院覆诊，对太太贴身照顾。
华哥除咗锡老婆之外，仲好锡个女芷晴，经常将阿女挂喺嘴边，喺其他人面前不停大赞芷晴好乖女。早前芷晴病咗，华哥仲亲自车爱女去睇医生，系个廿四孝爸爸！
心甘命抵剥虾
最近播出嘅一集中，黄芷晴大爆华哥喺屋企好体贴嘅一面，就系由细到大佢都会主动为家人剥虾，只要当晚嘅𩠌菜有虾，华哥都会出动！黄日华事后表示：「我觉得给他们服务是我的光荣」，真系超Sweet呀！
芷晴事后亦有喺社交平台上分享剥虾一事，留言表示：「华哥就是控制不了的喜欢剥虾的男人，有时候在家里要跟他抢著剥虾，我觉得每个人有不同的喜好，我也控制不了别人说什么，但我就是敬佩他对家人的细心，他帮我们剥虾，我帮他舀汤，这些细微的举动其实可以让对方觉得很温暖」，真系睇见都觉得Sweet呀！
黄日华曾被埋怨不顾家
黄日华1980年开始进军演艺圈，好快就已经上到一线小生位置，其后主演剧集《义不容情》，令华哥嘅人气再度急升，每日都拍唔同嘅戏，工作十分忙碌。不过，华哥喺节目中透露，原来当时曾经畀太太埋怨冇时间留畀屋企，令到佢两母女好似生活喺单亲家庭一样。
为妻女退隐娱圈
其后，华哥分配好自己嘅工作时间，更系事业高峰时退隐演艺圈，为嘅就系投放多啲时间陪屋企人，唔好错过囡囡每一个成长阶段。华哥更指，工作只可以拥有一时，但家庭就系可以拥有一世，所以一定要好好处理家事。
华哥曾经表示：「以前工作很忙，很少照顾她，所以一直不太了解她的个性和需要，所以女儿从来没有向我撒娇，可能因为平常我说话不多，我不开口的时候样子比较凶，所以她有点怕我。」其后，华哥放多咗时间喺屋企后，用咗7到8年时间陪个女，令到同阿女嘅关系变好，更话「我觉得我非常开心」，依家仲成日形影不离添！
认为老婆比囡囡重要
节目第一集，芷晴被问到华哥最爱嘅嘢系咩，芷晴先后答咗奶茶、足球、面包同老婆。华哥其后答：「女儿没得选，但老婆是自己选的，自己娶回来的，所以要结自己选择的爱人最好的生活，好好爱她、保护她、疼她。如果女儿和老婆之间选择，我觉得老婆比较重要一点。」华哥仲经常提醒自己要将老婆放第一位，真系一个绝种好男人！
经常挂爸爸喺嘴边
虽然芷晴同华哥嘅关系曾经好疏离，但喺节目中每个对话都可以睇到，其实佢同爸爸黄日华之间有好深厚嘅感情。早前，陈一天带芷晴到路营车玩，期间更提到揾日同爸爸一齐去玩，不过华哥就要负责开车。秦沛呢个时候仲补多句：「好可怜的老爸啊。」
最新一集中，芷晴同陈一天去钓虾，提到以前都试过同华哥去钓虾钓足一年，原因系华哥一专注做每年事就唔会半途而废。芷晴更指，呢一日系「回忆爸爸日」，其他嘉宾就从中见到芷晴有几爱爸爸，因为每一集都系会提住对方。
延伸阅读：
HKTV Mall 限时优惠 A+B套餐$780平买两款家电
