做运动又唔使要用机嘅！10大家中强身健体嘅热门用具！

宅喺屋企，齐做运动

香港最近真系多灾多难，大事一件接一件，由成日要出门口到而家疫情严重，要留喺屋企以保生命安全，真系仲劲过沙士！留喺屋企，有好多人都话好闷，无嘢好做，仲惊自己无得做运动身体变差。不过，其实好多运动达人都讲，做运动只要有适合工具同教学，喺屋企一样可以好好做运动，保持身体健康。今日就等DailyView用网路大数据话你知，10大家中热门嘅运动用品，等大家可以喺屋企做平靓正嘅运动啦！

DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。

NO.10 壶铃（116笔）

俄罗斯最出名系咩？紧系战斗民族喇！俄罗斯人咁劲揪，想知佢哋点训练？咁就一定要从壶铃开始喇，佢发明地来自俄罗斯，好多人都用佢健身，可以喺进行有氧运动训练、核心肌群训练、肌耐力爆发力训练等等。不过由于佢强度唔低，用佢健身就一定要小心，学识安全方法。初学者可以先从壶铃硬举、荡壶同托壶深蹲三个基本动作做起先。

image source:

NO.9 皮拉提斯圈（152笔）

女仔健身最怕咩？紧系做完仲大只过街边堆男仔，身体健康反而无咁吸引异性。皮拉提斯圈，就系专门为咗女仔健身而出现嘅恩物！呢个圈，用嚟做肌肉伸展，唔会产生女仔最憎嘅一旧旧肌肉，主要令身材曲线变得更加纤细修长。主要嘅动作包括双脚嘅脚踝夹住佢、卧身用单脚慢慢压落去、侧身双脚夹住佢再提起等，对大腿内侧肌肉修身好有效。

image source:

NO.8 瑜伽柱（167笔）

瑜伽柱，又叫瑜珈滚筒、按摩柱、瑜珈滚轮，最啱就系忙碌嘅都市人，放工返屋企可以松一松，强度唔算高，又可以按摩身体。瑜伽柱主要系用返自己嘅体重做定点，按摩深层肌肉、刺激穴位，放松肌筋膜、肌肉。呢条柱可以做脚底按摩、小腿按摩、侧大腿按摩、大腿群肌按摩等，好适合出去忙完一日嘅朋友，返屋企帮自己按摩，减缓压力。

image source:

NO.7 电流肌肉训练器（178笔）

电流肌肉训练器，听个名，都知呢样嘢系高科技！点解咁出名？因为呢样嘢号称懒人必用，用佢贴住身体肌肉做运动，会事半功倍咁开心，做十几分钟同人地做一两粒钟差唔多。不过原理系咩呢？专家话系用电流刺激深层肌肉被动出力，促进做运动效果。但大家要留意，要买就买有牌子嘅先有保障，唔系随时搞到自己受伤出事，咁就唔醒目喇。

image source:

NO.6 瑜伽球（223笔）

现代都市人健身，除咗传统嘅健身方法，都有唔少其他选择。好似做瑜伽咁，唔少男女都用佢做保持健康嘅好方法。而瑜伽球，亦都大受欢迎，因为一个波，啱晒所有人包括复健人士使用，具有按摩作用，又可以配合瑜伽练习瘦身。呢一个波，可以做多种训练核心肌群嘅动作，又能够做臀腿训练，识做嘅连胸肌都可以训练埋，想知就即刻睇片喇！

image source:

NO.5 呼拉圈（241笔）

呼拉圈，我哋细细个已经识用喇！好多人都话，呼拉圈有助减肥，系好有效嘅健身运动。不过，根据唔少医师嘅讲法，其实呼拉圈对减肥并无显著效果，但系会令腰部肌肉更加结实。呼拉圈咁方便，一边用一边睇电视又得，但做得动作随时受伤，一定要热好身先做，同埋每五分钟反方向做一次。另外，可以选择加重型呼拉圈，会对瘦腰比较有用。

image source:

NO.4 阻力带（272笔）

阻力带，又有个名叫做健身橡筋带，可以话系现代都市人嘅健身恩物！点解咁讲？皆因健身橡筋带只要用得啱，佢系万能嘅，可以训练晒全身所有部位，真系CP值爆灯！用呢条健身橡筋带，做单腿蹲训练下腿肌肉，做深蹲、抬腿训练臀腿肌肉，做绳索面拉训练后三角肌肉，做飞鸟训练三角肌中束，做手臂曲伸训练二头肌⋯⋯咁万用又方便，仲唔买返条？

image source:

NO.3 健身滚轮（296笔）

健身滚轮，又叫健腹轮，系近呢几年新兴嘅健身工具，由于体积唔大，好啱买个返屋企自己用。健身滚轮可以训练腹部、腰臀部同手臂等部位，唔少人都用佢操练出一条完美嘅人鱼线，引死人嘅六旧腹肌。不过，如果用错方法，就完全白费气力，仲会受伤。专家话，用佢果阵要注意背部唔好直线，用猫驼式，同埋注意伸展范围，唔好过度令自己失衡。

image source:

NO.2 跳绳（1442笔）

好多只系当跳绳系小学生玩意，但其实好多专家都话，跳绳系最有效率嘅健身、减肥运动，要训练下半身肌肉，增进心肺功能，或者轻松燃烧大量脂肪，跳绳就最啱你喇！跳绳要嘅工具好简单又抵，就要一条啱用嘅绳。我哋可以用普通双脚跳，难少少就交替跳，左右跳、三角式跳，甚至爱尔兰式跳舞，咁多方法，真系好玩又有效，适合每个香港人。

image source:

NO.1 哑铃（1941笔）

要喺家中健身？最出名嘅，紧系好多人屋企都有嘅哑铃喇！点解咁多人屋企都有？皆因哑铃体积细小，相对其他健身工具CP值高，使用嘅空间唔大，一个人自己都可以好好用得到。哑铃点先用得好，可以增强肌力？要留意返哑铃要对自己有一定重量，同埋可以选择卧推，同样嘅动作会更加有效率。另外，哑铃伏地卧身都一样好有用，促进代谢剌激。