酒店自助餐全新日韩台主题！必食惹味泡菜芝士焗龙虾！

尖沙咀呢间酒店自助餐又有新主题喇！今次结集左港人最爱日韩台既食物，唔驶飞都食到呢3地既野食！小编已经率先试左，日本代表有清酒芝士扒扇贝，清酒渗入扇贝肉内，加上鲣鱼丝提升其鲜味，真系好有矶烧风味！台湾代表真系估你唔到，自助餐将街头至hit既奶盖茶引入，真系全港第一间酒店自助餐有既奶盖茶！而韩国代表一定系韩式泡菜芝士焗龙虾，香辣惹味泡菜完全中和芝士既腻感，令人觉得好韩feel！依家等小编同你一齐睇下佢地引入左咩必食日韩台食物先

前菜沙律

▲沙律选择众多，原来餐厅仲有沙律自助餐呢个option

日式食物－和风刺身、卷物、寿司

▲自助餐提供4－5款刺身，一定会有港人最爱三文鱼！

▲今次系日韩台主题，睇得出餐厅特意悉心设设和风既寿司

日式食物－居酒屋、屋台风味

▲清酒芝士扒扇贝，清酒完全渗入扇贝肉内，加上鲣鱼丝提升其鲜味，日本清酒、味醂及巴马臣芝士溶为一体！

▲另一居酒屋风味就系避风塘广岛蚝 ，广岛蚝肥美饱满，避风塘香辣惹味脆炸广岛蚝，独特风味无比

▲关东煮劲有屋台风味，有蒟蒻、各类鱼浆，亦精纯入味。

韩国风味食物

▲熟食必食当然有韩式泡菜芝士焗龙虾！波士顿龙虾本身就多肉，肉质鲜甜弹牙，加上惹味辛辣泡菜同芝士，又唔会好溜！

▲韩式粉丝

台式养生食物

▲呢个咁精致既摆设原来系鲜淮山蟹肉沙律金杯，以鲜淮山、丝丝蟹肉及同新鲜芒果一同酿于薄脆杯，又好味又养生。

▲熟食方面有小编最爱既蚵仔煎，不过呢度蚵仔煎唔似夜市咁湿湿稠稠，比较似港式既蚝饼！

▲港台都最爱既茶叶蛋！

▲台式麻辣烤沙巴龙趸 – 台式麻辣汁加入鸭血、油豆腐、大葱、指天椒等配菜制成麻辣烤鱼，龙趸皮脆肉嫩。

▲无限添饮芝士奶盖茶，咸香浓稠芝士奶盖配上不同种类茶

日韩台3地甜品各有千秋！

▲韩式代表人参奶冻，参味浓郁呀！

▲日式代表有靓靓既樱花奶冻蛋糕

▲台式代表有珍珠奶茶冻

▲当然唔少得自助餐既各款蛋糕！

小编私心推介－喇沙汤面！

▲黎呢度食Buffet小编私心推佢地个自助面档，自己夹料同拣面，就可以比师傅煮喇！

「我

日韩台」三重滋味自助餐＠柏景餐厅

地址: 香港九龙尖沙咀广东道 33 号中港城皇家太平洋酒店园景翼 2 楼

电话: 2738 2322

供应日期：2019 年 4 月 1 日至 6 月 30 日

供应时段及价钱：

星期一至五自助午餐(中午 12 时至下午 2 时 30 分)－成人$358; 小童$248

星期六、日及公众假期自助午餐(中午 12 时至下午 2 时 30 分)－成人$438; 小童$298

星期一至五自助晚餐(晚上 6 时至 9 时 30 分)－成人$638; 小童$388

星期六、日及公众假期自助晚餐(晚上 6 时至 9 时 30 分)－成人$688; 小童$438

菜式每天轮流供应,部分菜式只于晚餐时段供应

所有价目以原价另加一服务费

图片及文字来源：香港人游香港