黑糖珍珠鲜奶要饮边间？网民热门第一竟然唔系老虎堂？
伙计，整番杯黑糖珍珠鲜奶嚟叹吓！
台式饮品喺香港红咗几年都冇退烧，一睇就知香港人有几热爱台湾嘅饮品啦！由最初嘅珍珠奶茶，到近年嘅水果茶都不断会喺IG见到好多人排队都要买到嘅决心！而近年都越来越多人钟意拎住黑糖鲜奶或者黑糖珍珠嘅饮品嚟打卡，今次DailyView就调查咗香港至Hit嘅黑糖饮品嘅舖头，一齐嚟睇睇啦！
DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。
4 水果茶系列（7050笔）
想饮野，但又想Fresh啲，唔好咁Heavy？水果茶就啱晒你需求啦！近年愈嚟愈多主打健康嘅手摇饮品店开幕，意图喺消费者满足口腹之欲嘅同时，都可以兼顾健康！而除咗满足健康同味蕾，水果茶色彩缤纷，更加系影相打卡嘅好工具，好多年轻人一拎到杯嘢饮，第一时间就系以店铺为背景，打番张卡先！
image source:Facebook／一芳台湾水果茶 - 香港
3 黑糖鲜奶系列（10324笔）
呢几年好多主打黑糖系列嘅手摇饮品店开幕，同珍珠奶茶唔一样，古早味嘅黑糖混合埋鲜奶，或者再加上珍珠，可以讲话系别有一番滋味！唔同饮品店嘅黑糖鲜奶仲有好多唔同卖点，黑糖、珍珠嘅烹调手法每一间店都各有特色，融合埋鲜奶嘅奶香，真系引嚟好多人排队都要买番杯嚟试吓！
image source:Facebook／香港老虎堂 tigersugar
2 奶盖系列（13017笔）
奶盖系列嘅饮品口感同其他嘢饮好唔一样，茶饮加上一层好厚嘅奶盖，增加左好多风味。上层奶盖有咸有甜，绵密嘅奶泡营造出同下层茶饮唔同嘅味道同口感。下层配埋清新嘅茶类饮品，喺手摇饮品入面系好特别嘅组合。奶盖系列饮落口，仲会留低一个白色奶盖胡须，除咗饮嘢以外，仲可以影张相，打个卡！
image source:Facebook／珍煮丹黑糖饮品专卖 - 香港
8 KiKi茶 KiKi Tea（116笔）
KiKi茶系台湾一个食品品牌进驻嘢饮市场建立嘅品牌，香港人去到呢到，除咗饮嘢，仲有甜品可以选择！黑糖系列入面，黑糖珍珠冬瓜鲜奶简直系好饮到令人大叫「台湾NO.1」，台湾特色嘅冬瓜茶再加上珍珠、黑糖、鲜奶，简直系一极棒！除此之外，豆腐花黑糖珍珠同仙草黑糖珍珠两款甜品，都好热门㗎！
image source:Facebook／KiKi Tea
7 李圆圆（120笔）
去过台湾玩嘅香港朋友，十个有九个都一定去过淡水，李圆圆就系由淡水走到去台湾嘅古早味嘢饮舖。话说佢地系主打台湾同香港，唯一一间用明火嘅黑糖专卖店，坚持品质同味道。睇佢地嘅LOGO同埋杯装设计，就感觉到台湾嘅古早味；试一试个味道，飘洋过海后，味道依然坚持纯正，真系正！
image source:Facbook／李圆圆 Bubble Lee HK
6 沐白小农（134笔）
沐白小农就好似佢个名一样，牛奶同茶都系小农嘅感觉，舍去香料同埋化学添加成分，严选100%天然健康原料。珍珠经过长时间手炒，黑糖味浓郁、牛奶健康！话说黑糖系列最多人推荐嘅就系黑糖波霸鲜奶，「波霸」系台湾嘅常用语，代表大大粒珍珠嘅意思，深获一众钟意品尝口感嘅人喜爱！
image source:Facebook／沐白小农 香港店
5 小黑糖（271笔）
唔知大家有无听过小黑糖呢个品牌？格调文青嘅小黑糖喺台湾好红㗎！喺文创园区、商圈都会见到佢嘅踪影。小黑糖风格简约、清新，深受台湾OL同埋文青喜爱，嚟到香港，都受到一众文青追捧！小黑糖好似佢个名，系主打黑糖，用秘方古法营造古早味，除咗简约嘅文青格调，仲可以品尝台湾古早滋味！
image source:Facbook／Baroness小黑糖‧香港
4 幸福堂 （324笔）
幸福堂好似个名一样，品牌故事来自创办人细细个太百厌，令嬷嬷嘅黑糖炒过咗头，反而误打误撞令黑糖味更加浓郁嘅故事。幸福堂嘅黑糖纹路好好睇，大家称呢个纹路叫「幸福纹」，呢个味道叫做「幸福味」，所以店名叫做「幸福堂」。上年年尾，台湾香港版权风波告一段落，幸福堂终于正式进驻香港！
image source:Facebook／幸福堂 香港太子店 古法手炒黑糖珍珠鲜奶创始品牌
3 珍煮丹（543笔）
大家记唔记得超级巨声嘅刘威煌？原来呢个品牌系由佢引入㗎！近年刘威煌好少喺银幕上面出现，原来主力做紧嘢饮品牌。香港嘅珍煮丹特别调配咗奶霜，解决咗黑糖味太抢、奶味太淡嘅问题，完全合乎咗珍煮丹嘅特色黄金比例。话说珍煮丹喺台湾仲有一个轶闻，好多人都会讲错个名做「珍煮母」！
image source:Facebook／珍煮丹黑糖饮品专卖 - 香港
2 老虎堂（579笔）
一讲「黑糖珍珠」就真系唔可以唔提老虎堂！依家香港地好多人叫啲黑糖鲜奶杯边嘅黑糖花纹做「老虎纹」，其实系同老虎堂有好大关系！呢个花纹热潮系由老虎堂一手带领，黑糖由杯边落，沟埋鲜奶造成左同老虎纹好相似嘅效果，一时间引起好大回响，仲令好多人少女心爆发，影相打卡嘅热潮风头极盛！
image source:Facebook／香港老虎堂 tigersugar
1 天仁茗茶（1107笔）
天仁茗茶喺香港真系好多人都好钟意饮㗎！点解啊？因为佢嘅茶味好浓，奶味又够香啰！款款嘢饮都好真才实料，阵味一啲都唔化学，奶茶都整到好fresh啊！而佢哋嘅黑糖嘢饮「913黑糖珍珠鲜奶茶」直头系结合晒佢哋嘢饮嘅优势，913茶王嘅香味撞上奶香，仲加埋黑糖香甜，真系冇得输啊！唔怪得咁多人都钟意饮啦！
image source:Facebook／香港天仁茗茶
分析说明：
本研究资料由《KEYPO大数据关键引擎》提供，分析时间范围为2018年11月23日至2019年11月22日。
网路大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论『黑糖珍珠手摇嘢饮』相关文本进行分析，并根据网友就该议题之讨论，作为本分析依据。
本文分析之结果，非参考投票、民调、网路问卷等资料，名次仅代表网路讨论热度大小，不代表网友正负评价。
推荐文章︰
「死亡坠谷瞬间」全程直播！直播主登山失足1.5公里外寻获遗体
TVB视帝十大热门候选人！黑仔、马明今次有冇机？
