夏日炎炎，大家都好钟意去游水
泳池啦，海滩啦，只要浸系水入面谂起都凉快
但系，全部都无我份⋯⋯因为我都唔识游水⋯⋯

 

相信有唔少唔识游水嘅人可能都会好似我咁
因为细个某啲意外令到个人好抗拒水⋯⋯
而我个故事系咁嘅⋯⋯

我无记错，我当时应该未升小学
𠮶时仲住系葵兴
有次爸爸带我去泳池游水

 

已经唔系好记得当时我系企系咩池啦
印像中好似系岩岩脚尖系可以掂到地

系爸爸同朋友倾偈嘅时候，恐怖嘅事道发生咗啦！

唔知系跣脚定系差错脚，或者系我想学人扮游水
一个唔觉意，失去平衡，成个人浸咗落水
哎又哎唔到，企又企唔到⋯⋯
心整系谂住救我呀⋯⋯

 

已经唔记得点样，突然只脚踩到落地，透番啖气
真系好有系死门关跑番出嚟嘅感觉⋯⋯

 

我都唔知系未我表现得太平静啦
由头到尾竟然发现⋯⋯直到而家⋯⋯都无人发现⋯⋯

 

有时都会谂，点解无人发现到我㗎？唔通我真系咁唔显眼？
连救生员都睇我唔到？？

奉劝各位爸爸，小朋友都系放系BB池玩安全啲
奉劝各位小朋友，唔好跟爸爸去中池玩呀！

游水，我今世都系学唔识㗎啦
浸下水都仲可以嘅（麻烦俾个水泡我先啦）