为食卡好应该有依十样嘢食！大数据分析港人最爱嘅麦当劳小食！

「为食卡」真系啱香港人心水？

麦当劳喺全球有几劲？劲到美国社会学家乔治·里兹（George Ritzer）都出咗本书讲佢，仲形容麦当劳化（McDonaldization）影响全球。香港呢个东方之珠嘅国际都市，好早已经有麦当劳做生意，真系陪伴香港人成长，我哋会叫佢做M记，我哋会食佢本地化嘅通心粉，甚至可以话系香港人嘅集体回忆。麦当劳嘅食物，已经深入咗香港人嘅胃，网路上都成日有网民讨论佢推出嘅「为食卡」，仲想希望可以有更多选择。今日DailyView就嚟同大家细数，十大网民成日倾麦当劳嘅食物，睇吓佢张「为食卡」到底有冇喇！

DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。

10 新地筒（175笔）

──又平又正又方便

讲起麦当劳嘅雪糕，真系不可不提「新地筒」，佢简直系完美诠释咗「平靓正」，兼且方便同埋份量啱啱好啊！话说好多网民去麦当劳只不过系口痕，想揾少少嘢行住食，但又唔想整到成只手都系油。依个时候最啱就系买支新地筒喇，佢唔似其余几款雪糕要用匙羹食，一只手揸住咬两三啖就食晒，方便到不得了！如果「为食卡」有佢，仲可以做更多唔同嘅配搭，如果可以一手雪糕，一手嘢饮，真系咪话唔爽！

image source:

9 麦旋风（301笔）

──唔使用剑㗎！

好多香港人都好熟悉一句广告对白：「唔使用剑㗎！」下一句系咩？咪就系「食麦旋风啦！」依句咁小学鸡嘅笑话同麦旋风一样，伴随住好多香港人长大，系一种由细食到大嘅麦当劳雪糕。佢冇新地咁甜，相对新地筒又多咗层口感，真系大人细路都啱食！除咗最经典嘅OREO口味，仲会间唔时出限定口味，好似上次嘅榴梿味真系令人「榴弹忘返」啊！唔怪得好多人依家用「为食卡」都系为咗买杯麦旋风啦！

image source:

8 奶茶（393笔）

——得闲饮茶

香港最出名系咩？无错，系知名嘅奶茶。香港人对奶茶嘅热爱，已经系去到国际知名嘅地步，简直系无第二个地方可以超越香港。香港一早、妟昼、晚餐以至宵夜，都可以配上一杯好饮嘅奶茶。不过唔系成日都有奶茶点，但茶记都无24小时喇！咁最正就系去m记买个野食，再点杯奶茶，又有一段可以慢慢安心松返啖气嘅时间。好在「为食卡」有奶茶，啱晒无啦啦想饮奶茶既香港人，24小时都可以饮！

image source:

7 麦乐鸡（455笔）

——亚古兽

香港人对麦乐鸡嘅热情，可能超越咗对其他食物加埋。点解咁讲？香港网路曾经有张好出名嘅麦乐鸡改图，图入面嘅男仔面对住成座山咁高嘅麦乐鸡，依然面不改色咁要食哂佢哋，一度成为网路热话。麦乐鸡，又系网民口中有花名叫做亚古兽，成日都有讲返起。麦乐鸡咁好食，由细路仔到老人家，都有好多Fans，好多人都想「为食卡」有得点麦乐鸡，真系当系下午茶食都得，咪话唔正。

image source:

6 脆香鸡翼（494笔）

——香港人最爱

脆香鸡翼，系香港人最爱嘅M记食物，好多香港网民都曾经话过，入去M记点个餐，都不过系为咗食佢嘅脆香鸡翼咋！脆香鸡翼有几好味？外表金黄色脆口嘅鸡皮，内有软熟有汁嘅鸡肉，啖啖咬入去都令人回味再三，连骨头都想吞埋落口。有人话，M记脆香鸡翼，可能系最全香港人最想日日食嘅鸡翼，你又同唔同意？计我话，如果M记想顺应民心，「为食卡」就一定要加脆香鸡翼入去！

image source:

5 优质即磨咖啡（552笔）

——日日都要醒神

日日朝9晚5？唔好讲笑，香港人出咗名系工时奴隶，又边有咁早放工先得。咁放工返到屋企，做埋其他嘢，第二日好多时都无精神返工。不过，咪又系要返工。咁香港人就唯有靠一杯咖啡提神，最方便，又抵饮嘅，紧系要数M记嘅优质即磨咖啡喇！饮落顺口，又可以令自己有返工嘅精神，当然好受欢迎。不过有时都想食多少少嘢，当埋早餐，用「为食卡」点多样嘢就Perfect池喇！你今日饮咗未？

image source:

4 可乐（716笔）

——爽到要「呀」

香港人深受外国文化影响，除咗水之外，饮得最多嘅唔系中国嘅茶，而系西方传入嚟嘅可口可乐。可口，又可乐，呢个名真系改得好啱，饮落喉咙好鬼爽快，总要有股气系丹田涌上嚟，搞到我哋忍唔住要「呀」一声，好似吐咗一口平时生活受到嘅怨气出嚟咁，认真快乐。睇剧、打机、做完运动，都最啱饮返杯可乐。M记「为食卡」唔知几时会加可乐入去，等我哋日日都有可口，又可乐呢？

image source:

3 新地（962笔）

——最佳甜品

香港地咁大压力，香港人成日都好多唔开心嘅时候，咁到底有咩方法令自己心情变好呢？最直接嘅，紧系即刻食甜品，等自己即刻开心返。落街无甜品铺？唔紧系，总有一间M记系左近，买返个朱古力味新地，黑白夹得啱啱好，云尼拿沟咗朱古力系口入面溶化，系味觉嘅二重奏，系心情嘅最佳调和。M记「为食卡」一早有新地，随时随地都好抵买，香港人食完之后，个个都可以笑住咁过日子喇。

image source:

2 薯条（1499笔）

——食到唔停手

薯条，炸到金黄色，外脆内软，每条咬落去都爽口到不得了，令人食完一条又一条，欲罢不能，几分钟就极速无咗。呢种，就系每一个香港人都经验过，M记薯条嘅邪恶魔力。最重要嘅，系我哋每次点完M记薯条，食完之后，一定会觉得到喉唔到肺，想点多包食。不过呢，每次都要单点好唔抵，叫餐又太多。M记「为食卡」有薯条嘅话，咁相信好多人嘅薯条问题都解决咗，真系好希望有得咁样叫！

image source:

1 苹果批（1728笔）

——暖到入心

喺香港，要揾好嘢食唔难，问题系好多时候CP值唔高，要畀好多钱先有好嘢食。如果问香港人，边到有CP值最高嘅苹果批食，相信九成九嘅香港人，都会答你，去M记食喇！M记嘅苹果批，就脚、抵食、好味，一次过满足哂你三个愿望。外脆内有暖口又暖心嘅苹果馅汁，炸到啱啱好，秋冬天食最啱Feel。最正系「为食卡」有苹果批，唔怪得M记都会大排长龙，日日放学放工都有得买个返屋企慢慢叹。