39岁张栢芝06年同谢霆锋结婚，婚后育有两子Lucas和Quintus，但2011年「锋芝」宣布离婚，去年11月栢芝诞下𡥧仔张礼承(Marcus)，Marcus目前六个月大，容貌从未曝光，栢芝也未公开儿子生父身分。早前栢芝担任大陆综艺节目《天天向上》做嘉宾分享饮食心得，但自言每日煮饭畀囝囝食嘅栢芝，却答唔出囝囝喜欢嘅菜名，又话自己天生吃素不吃肉，但有网民揾翻资料就发现栢芝大话连篇，封佢系「大话精」。

撰文：东方新地 图片 ：影片截图、微博、IG

张栢芝 讲唔出儿子爱吃什么菜

喺最新一期《天天向上》一开始系讲粤菜，主持人话张栢芝住香港应该最常接触粤菜，栢芝话佢爸爸系厨师，自小跟爸爸学懂不少菜式：「因为我自己从小到大都喜欢煮菜，我生小孩之后我儿子他们喜欢的菜都是我自己煮，大儿子就喜欢中餐，第二个就喜欢西餐。」

主持人大张伟就问佢两个儿子分别喜欢什么菜？张栢芝唔系知咪听唔到，轻轻一句带过：「对，每一天我都要做两个不一样的菜。」即系一中餐一西餐！咁但到底儿子食咩菜？栢芝冇讲！

主持大张伟仍然不放弃继续追问两个儿子最喜欢食咩菜式，而栢芝就东拉西扯话：「你问那个儿子？第三个喜欢奶！」继续游花园！

主持穷追猛打再追问儿子喜欢吃什么菜式，栢芝才说：「谢振轩喜欢白米饭，谢振南他就喜欢汉堡包，我自己就喜欢蔬菜。」网友质疑自认煮嘢食好叻，又日日煮一中一西菜式畀两个仔食嘅妈妈，点解会讲唔出菜名？

从来冇食过肉？

咁都未完，栢芝话：「我自己就喜欢蔬菜，因为我天生喜欢吃素，我是从来没有吃过肉的。」在场嘅主持、嘉宾们都似乎唔相信。

阿妈打都唔吃肉

嘉宾李湘就问叉烧、乳猪𠮶啲全部冇食过？栢芝点头话：「对因为我天生就喜欢蔬菜。」仲话阿妈打佢都唔食，但海鲜佢系会食嘅！

虽然唔食，但栢芝话佢可以把有肉嘅菜式煮得好好食：「但是我可以把牛排﹑咖喱鸡什么的我都可以弄出来。」

网友搜证 栢芝曾公开大啖吃肉

有网友就找到栢芝以前亮相多个综艺节目时，曾即场吃肉，其中一次仲食曹格整嘅锅包肉，大赞好吃！

同块生牛排沟通

唔止咁，栢芝曾分享过佢煮牛排嘅经验，话煮之前按摩块肉，又话块肉同佢讲话OK可以拎去煎，网友质疑佢讲大话已经变成习惯！

网民结集浮夸语录

网民愈揭愈多栢芝嘅惊人语录，佢曾经话「拍戏3个月不睡觉」、「连睡16天」、「越不洗脸皮肤越好」、「越吃消夜就越瘦」等，网民都话栢芝唔止爱讲大话，而且言论好浮夸！

连瞓16日

栢芝自称试过连续瞓16日不曾醒，佢话自己唔系死而系瞓，又话家人会喺佢瞓觉期间同佢换面膜，真系匪夷所思。

连续三个月唔瞓

有片睇：

延伸阅读：

【烈火雄心】紧接《法证先锋III》播出 盘点8套最想深宵重播的超级神剧

细女王丽嘉失恋派「肉照」 老尴王敏德迁怒老婆马诗慧