【兄弟之争】大仔出手打细佬 阮民安：期待两兄弟打交
现年38岁嘅E-Kids成员阮民安（Tommy）3月再次做爸爸，第一个要面对嘅问题唔再系换片、喂奶，而系哥哥阮治童嘅心情！同大多数家庭嘅情况相似，哥哥对依个刚出世嘅「小敌人」颇好奇，阮民安日前仲分享咗一段「哥哥出手打细佬」嘅影片，面对依个情况，阮民安完全唔怕，仲扬言「期待两兄弟打交」㖭！
撰文：Kayla｜图片来源：Instagram
延伸阅读：
44折起入手名牌减价家电 DYSON低至68折！盘点10大BB展必抢笋货
【清热止咳】鱼翅瓜螺片鸡脚汤
兄弟姊妹都系由吵吵闹闹中长大，阮民安对此深信不疑，所以日前就分享大仔治童出手打细佬嘅影片，阮民安不单冇阻止，仲留言话：「期待两兄弟打交，然后我做评判的日子嚟临。」
阮民安老婆就喺Instagram帮治童解释，原来因为哥哥年纪仲细，可能本来只系想伸手摸摸细佬个头，但就唔系太识控制力度，变咗好似出手打弟弟咁：「凑两个的日常：就是要时刻提防治童对细佬的极速攻击！一不留神就一掌巴细佬的头😵…..或用头去撞（有时候只是想摸摸&亲亲 可是太肉紧会控制不到力度🤦🏼♀️要不停提醒要细细力…）总结二娃生活：提防老大😂
陪老婆入产房
3月时喜获麟儿嘅阮民安，接受传媒访问时表示，自己因为怕血，所以上一胎冇陪老婆入到产房，老婆上次经历咗20几个钟先生到大仔，令佢觉得好内疚，所以第二胎就克服自己怕血嘅问题，陪老婆入产房生BB：「今次睇住成个过程，佢好辛苦，一度想放弃。」
阮民安仲话产房个护士认得佢，叫佢唱首歌氹老婆开心：「最后我都冇认真唱，只系不停咁分散佢注意力。」好彩第二胎都无惊无险，顺顺利利出世同爸爸妈妈见面，三年抱两！
老婆Eva为原宿女神
阮民安同老婆拍拖两年，并于2017年结婚，同年生咗大仔阮治童，不时见到Eva喺Facebook上分享同仔仔嘅合照，非常温馨。原来阮民安老婆Eva大有来头，有「原宿女神」之称嘅Eva，原名张倚雯，身兼模特儿、设计师、DJ 等多重身份，工作不时都要穿梭日本、香港、中国内地，有「港版Kyary Pamyu Pamyu」之称。
Eva平时除咗拍广告，打碟都有一手，曾多次应邀为户外Show做DJ，更曾接拍日剧《Ghostraight》、《天国…幽灵…不思议…》等，喺日本颇有名气。
千呎豪宅曝光？
Eva喺日本发展得非常好，仲曾经接受过日本电视频道NHK World节目《Kawaii International》嘅访问，带摄制团去屋企做贴身访问，令阮民安嘅豪宅曝光！
不过有网民话，其实阮民安一家系住喺酒店式公寓（Service Apartment）嘅底层，所以拍摄队所拍到嘅超大泳池，其实系酒店设施之一。不过室雅何须大，只要一家有爱就得啦！
延伸阅读：
【亲子好去处】亲子假日游活动 玩转新界12大农庄
