向伟大航道出发！至HIT嘅六大邮轮带你穿洋过海

寻找属于你嘅「十万吨情缘」！

有咩旅行爽得过所有住宿交通都包晒，定时定候喺唔同嘅城市观光下，玩完一日又有人接返你，每日只要负责望住大海景食、玩、瞓？约莫早几年香港人如果想搭邮轮，基本上要买多程机票先飞去日本或者台湾上船，你连呢样都唔使烦，依家好多顶级邮轮都可以系香港直接上船啦。一齐来睇吓你绝对唔可以错过CP值超高嘅六大邮轮！

DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。

6. 想试新野嘅你—挪威翡翠号

讲到搭邮轮唔单止系退休人士嘅专利，挪威邮轮就正系主打年轻人市场嘅邮轮品牌。挪威翡翠号上应有尽有，尤其佢哋嘅酒吧同夜店，行喺里面好容易会有种行咗入五星级酒店嘅错觉。除此之外，挪威邮轮仲有首创嘅海上双层赛车道，就算系邮轮上都可以做拓海啊！挪威邮轮主打欧洲航线同地中海航线，今年起先主攻亚洲地区嘅航程，钟意试新野嘅你唔好错过。

image source:

5. 爱好和风嘅你—钻石公主号

平时见到嘅邮轮都行西式风格，而钻石公主号则系少数主打日系风格嘅邮轮。除咗基本配备嘅极大露天泳池之外，钻石公主号最出名嘅「Izumi」日式浴场，唔单止有个别嘅男汤、女汤，仲有户外共享浴池。净系想像吓望住个大海系到浸温泉，都已经够晒放松。想一网打尽日式旅行同邮轮体验嘅你，钻石公主号就啱晒你心水。

image source:

4. 追求科技感嘅你—海洋光谱号

同样系皇家加勒比游轮旗下嘅邮轮，海洋光谱号比航行者号仲要多咗几分科技感。都未登船系远处就见到嘅半球体，系光谱号主打嘅「Skypad南极球」，一个结合咗VR技术的海上高空弹跳，小朋友就话钟意跳吓跳吓，戴著VR来体验穿越地心嘅快感连大人都会上瘾。除咗机动游戏，光谱号仲有模拟跳伞嘅自由落体漂浮体验，可以话海陆空娱乐全包。

image source:

3. 钟意冒险嘅你—海洋航行者号

好多人觉得搭邮轮虽然系海上，但除咗露天泳池之外几乎碰唔到水，而海洋航行者就正正填补咗呢个缺口，佢唔单止具备标志性嘅船上冲浪，仲有最新升级嘅水上过山车，包你系风平浪静嘅大海上都可以好似玩海盗船咁刺激。如果话探索梦号系海上嘅移动酒店，海洋航行者号就系海上移动嘅游乐场，仲要系有高速滑水道嘅水上游乐园。

image source:

2. 欣赏古典风嘅你—探索梦号

作为世界梦号嘅姊妹船，探索梦号行一个截然不同嘅古典风格。一上船就可以见到以古罗马为主题嘅露天泳池，成艘邮轮嘅装修都系欧式设计，如果你对邮轮嘅印象系铁达尼号的话，探索梦号可以符合你嘅幻想。倘若今次旅行想奢华一啲，仲可以考虑升级入住佢哋嘅「The Palace皇宫」贵宾专属区，有晒管家同埋私人泳池甲板，名副其实嘅「海上移动酒店」。

image source:

1. 内心有个小飞侠嘅你—世界梦号

一般邮轮都有嘅基本款设施我哋就唔多讲啦，钟意刺激嘅你一定要试吓世界梦号。世界梦号嘅娱乐活动非常多样，除咗喺水上乐园先会见到嘅滑水道，其中非常吸引年轻人嘅一项，就系海上绳索！感觉就好似悬空行喺大海上，身手敏捷啲嘅可以直头幻想自己系小飞侠添啊！而一到夜晚露天嘅泳池仲会变身泡泡派对，边个话邮轮系老人家嘅玩意？

image source:五大邮轮必玩体验！

平时做开背包客嘅你可能心谂：「吓？邮轮啱退休人士玩㗎咋！」喺邮轮每一分钟都唔寂寞，有网友精辟点评『搭邮轮嘅体验，就系快感会被高频嘅娱乐而无限延长』，的确扣除交通啊等排队啊嘅时间，系邮轮上行到边玩到边，24小时好似当48小时咁用。咁啱如果你规划紧带屋企长者出行的话，连娱乐节目都帮你安排好埋嘅邮轮更加系你不二之选！

5. 出咗公海做乜都得？

细细个睇赌神你一定有觉得「公海」真系神奇嘅地方！邮轮一大特色莫过于出咗公海之后，船上嘅赌场就会开始营业，无论系本身就带著赌一手嘅目的上邮轮嘅人，定还是半夜瞓唔著嘅人都好，赌场都系其中一个消磨时间嘅好去处。当邮轮要埋岸嘅时候，赌场就要因应法律而暂时关闭，有啲客人甚至会抱怨停泊时间太长，忍唔住再入赌场大杀四方。

image source:youtube/seekmaple1

4. 放假唔做SPA点叫放假？

如果话呢个世界上有个神奇嘅地方可以令任何年纪嘅女人一秒变开心，除咗SPA之外我谂唔到第二个地方。搭邮轮本身就已经系追求舒适嘅旅程，系邮轮上面做SPA简直就系锦上添花。唔单止系女人架，近年非常流行男人专属嘅疗程，甚至有情侣疗程可以一齐体验。如果系带长辈上船，不妨帮佢哋预约定一个按摩疗程，索性放松到底！

image source:Facebook/公主邮轮台湾

3. 「水上活动」就系你最佳嘅行程表

去一次邮轮旅行，大概有四分之三嘅时间都系架船上度过，再加上半部分为你所介绍唔同邮轮嘅主打特色，应该唔难发现其实邮轮所提供嘅活动，好多时候比分仲重过真系到目的地观光。既然都已经出咗海点可以少得水上活动呢？依家邮轮上除咗有基本嘅泳池可以俾大家去玩之外，仲有海上玩飞索、激瀡滑水梯等等，够晒刺激啊！钟意玩水嘅你就一定唔可以错过～

image source:Facebook/皇家加勒比海游轮国际有限公司

2. 唔使去到赌城睇表演

邮轮毕竟要打造一个奢华嘅体验，又点可以少得极其丰富嘅娱乐呢？就好似我哋去迪士尼都会排定时间去睇表演，邮轮更加会规划每晚唔同嘅表演项目，确保你成段旅程都唔无聊。有好多人带著一家大细上邮轮，就系因为邮轮嘅娱乐节目老少咸宜，基本款有歌舞剧、魔术表演等，皇家加勒比邮轮嘅招牌表演仲有埋水舞秀，直情系比照Vegas来娱乐大家。

image source:www.royalcaribbean.com

1. 对著海景食米芝莲餐厅

大家都知系邮轮上嘅三餐系全部包晒，只要用餐时间埋位就会有人帮你上菜，有啲邮轮仲要无设限用餐时间，随时随地都可以点免费嘅餐点，满足晒各位为食猫嘅心愿！除咗免费供应嘅餐厅之外，邮轮产业上对于美食嘅竞争都非常认真，唔少邮轮都招揽大品牌到海上嘅餐厅，好似公主号就以开米芝莲餐厅作为卖点，真系同五星级酒店无乜分别。