过年团拜，有朋友是大学老师，是多金之人，四围找投资目标，佢话有金融界人士建议买金，话今年黄金走势向上，问我点睇。我话首先要确定向你建议的人，不是在推销炒伦敦金，否则多多钱都唔够输。

讲番金价，金价走势比较睇好，主要是美元加息循环近顶，联储局都话要睇定先，美元好可能见咗顶，有机会反复回软，欧洲和日本经济又麻麻，拖慢了她们停止量寛的步伐，本来欧、日一停量寛欧元日圆会炒起，如今又何能要拖慢少少，咁睇好黄金亦好自然。

黄金5年高位系2014年造的1380美元，过去3年一上1350美元高位就回，但当时美国仍在加息，睇2016年打后金价低位一级级上移，何以寄望黄金今次可以上破1350美元3年高位，金价升5%系1380美元，升10%系1445美元，如果黄金一年升10%，都系好大升幅，所以睇升都唔可以睇得太高。

黄金5年图。

黄金被称为无息货币，因为无息派，所以我唔太喜欢买金长揸，当然可以短炒，例如买只黄金ETF，睇佢5至10%升幅。但如买金股，就要小心佢地波幅好大，若然升上去唔识走，睇落嚟锁死都几伤。

我有另一个建议，买金不如买内银股如建行(0939)走短线，目标也是10%。每年业绩公布期，内银都会炒下，因为派息高，所以不少散户见到宣布派息入货，建行去年3月底公布全年业绩，7月除净，8月派息。

建行5年图

建行股价近期略回，周五收6.91元，可以现价入一注，等回到50天线6.6元左右入第二注，入齐平均价6.76元，期望10%升幅目标价是7.43元，若只在6.91元入得一注，10%升幅的目标价是7.6元，在5月前都有机会见到。