想野餐识去一定去添马公园｜香港好去处

香港人最愁就系土地问题，但系位处市区黄金地段嘅添马公园就有一大片草地，坐得摊得连做瑜珈都得，唔揾埋朋友一齐嚟野餐吹水真系嘥晒，日落夜景一流，可以由朝玩到晚。添马公园24小时免费开放予公众，唔好嘥咗呢个咁珍贵嘅空间，趁呢几日天气咁好，揾埋一大班朋友去添马公园啦！

撰文：Si｜图：新传媒资料室、Instagram

添马公园大草地任踩唔嬲野餐之选

政府总部附近嘅添马公园一直系热门嘅野餐好去处。位于金钟嘅添马公园占地17,000平方米，交通便捷，金钟港铁站一出，过条天桥就到，喺咁挤迫繁忙嘅金钟竟然有咁大片草地，仲有无敌海景，简直就系城市中的绿洲。平时公园嘅草地出晒名只作观赏用途，但添马公园喺正政府总部隔篱，仲有行政长官办公室同立法会综合大楼，草地都可以任踩唔嬲，大家要好好利用呢片草地先得，除咗野餐，大家仲谂唔谂到可以做啲咩呢？

如果嫌野餐太静态，喺草地做吓伸展运动都唔错。（图：IG@hkgreenbuildingcouncil）

华灯初上日落夜景一流

去到添马公园唔好坐一阵就走，行出少少就系中环海滨长廊，呢度嘅日落夜景都好靓㗎，享受吓徐徐海风，只要有三五知己一齐，由朝坐到晚都冇问题。添马公园内有几张云石櫈，有聪明嘅网民发现就一就角度就可以拍出「天空之镜」嘅效果，反转晒嘅倒影非常清晰，同正宗嘅「天空之镜」几可乱真，小编觉得夜景嘅效果比日景更佳，建议等到夜晚先影。

View this post on Instagram
🇭🇰香港旅行-添马公园之天空之镜我们找了好久，原来是一张不起眼的公园长椅子！！！🌃 #香港旅行#香港夜景#添马公园#天空之镜#홍콩여행 #야경#하늘거울
A post shared by Mimi X 미미 🇹🇼 (@smilemi10) on Jan 19, 2019 at 5:37am PST