碧咸疑棒打鸳鸯 反对大仔同女朋友来往
「万人迷」碧咸（David Beckham）一家一直都备受瞩目，其大仔Brooklyn早前同嘉儿莫蕊兹（Chloe Moretz）分手，立即挞著儿新女友Hana Cross。碧咸大仔一早带女朋友见家长，一早就入哂屋。不过，近日就传出碧咸「棒打鸳鸯」嘅消息，更指碧咸希望Brooklyn可投放多啲时间去专注学业同家庭方面。
撰文：Kammy | 图片来源：Brooklyn Beckham@Instagram，Hana Cross@Instagram
延伸阅读：
【润肺止咳】沙参玉竹淮山海底椰瘦肉汤
【怀孕汤水】清胎毒 沙参玉竹素汤
碧咸疑棒打鸳鸯 反对大仔同女朋友来往
英国「万人迷」碧咸同太太Victoria呢对恩爱夫妻一直都受外界关注，就连佢哋嘅仔女都系受瞩目嘅星二代，深受网民喜爱，每逢过时过节都会见到佢哋一家嘅集体现身的温馨场面。对于仔女嘅感情事，碧咸同太太一直都保持开放态度，但最近就有消息指，碧咸开始介入大仔同Hana Cross嘅恋情，仲力劝大仔同对方分手。
消息指，碧咸对Brooklyn同Hana爱得愈嚟愈高调而开始有啲微言，加上Brooklyn同女朋友不时都闹交，特别系早前二人出席康城影展时，被传媒拍到佢哋当街激动争吵，令到碧咸对Brooklyn同女朋友嘅发展开始有啲反感。
另外，消息指，由于Brooklyn同女朋友嘅关系十分反复，Brooklyn更因此而情绪低落，令碧咸同Victoria担心不已。消息人士透露，碧咸想大仔认真谂下会唔会同Hana有将来，叫佢唔好因为拍拖而荒废学业，又叫Brooklyn暂时唔好同对方成日见面同唔好再叫Hana出席佢哋嘅家庭聚会。
其实碧咸同大仔Brooklyn一直关系都好好，佢并非真系强烈阻止囝囝同女朋友交往，只系希望阿仔可以节制一下，唔好只系放时间喺感情方面，仲要学识平衡堆家庭同学业方面。
碧咸大仔带女朋友见家长
Brooklyn一直都好重视同新女朋友Hana Cross嘅关系。早前，佢就带埋新女朋友Hana Cross，同屋企人一齐出席伦敦时装周男装新品发布会，重点系有得见埋家长呀！
Brooklyn早前同Chloe Moretz分手后，就立即挞著新女友Hana，二人更一直爱得高调。呢日时装骚Brooklyn仲拉埋女友同爸爸碧咸一齐影相！有消息指，Brooklyn历任女友中只有Hana有呢个待遇！
新女友同妈妈劲似样
有网民发现呢位新任女友同Victoria有几分神似，事源Brooklyn帮女友影相「放闪」，有网民发现呢张黑白相，不论外形、角度都劲似阿妈Victoria，「OMG，我以为系你妈妈」、「点解你女友咁似阿妈嘅？」，你哋又觉得似唔似呢？
延伸阅读：
【健脾袪湿】老黄瓜赤扁豆素汤
