吴沚默挑战冯盈盈节目狂踩界网民：黄色底子新一姐？！

《后生仔倾吓偈》播出至今愈做愈有，皆因节目食正不同后生仔时下话题，成功吸引一班年轻观众群。当中紧系唔少得有强烈黄色底子嘅冯盈盈加持，不过最近一集《后》中，FYY似乎遇上比佢更强嘅黄色底子对手，就系TVB艺人嘅吴沚默(MoMo)！

撰文：东方新地｜图片：电视截图

吴沚默挑战冯盈盈节目狂踩界

近日嘅《后》以「浸大学系与宿舍的另类特色」为题，并邀请到吴沚默(MoMo)做嘉宾。出身编剧嘅MoMo毕业于浸会电影电视系，一开波介绍自己就已经嚟料，话：「浸大传理系比教有名，但报名时见到好多人读J（即Journalism新闻系）」，因「J」令3位主持随即起哄！

冯盈盈

住过学生宿舍嘅MoMo及同校嘅后生女Kosa指宿舍单人房由于附有浴缸，所以唔少学生为求独占，都会争做宿舍导师，，而MoMo就突然爆话:「我两个男朋友都系宿舍导师。」，但强调当时好怕羞，所以未有入过对方房间。

之后陆浩问MoMo被追求嘅过程，整个对话开始变得黄色化，MoMo话：「新校同旧校之间有个篮球场，所有男生都会喺呢个地方展现自己雄性魅力嘅地方，系咁射系咁射……」，一听到个「射」字，FYY即刻补句：「系咁射，都好惊㖞」。

点知MoMo紧接一句：「我有一次被佢射中咗！」，立即令全场大叫「吓」兼笑到拍台。而FYY当然唔放过咁好嘅「黄色机会」，追问MoMo「被射中边度?」，对方答：「射中咗我块面」，结果成功再一次令全场后生仔笑到失控！

结果被FYY话「一射就射到面上」嘅MoMo就指大家就系咁识咗，点知FYY再次发功话：「射到块面上就食咗嘞」，MoMo差啲都以为自己讲得唔清楚。

MoMo之后表示之后更因而请对方担任学生作品嘅男主角，「捧佢做男主角然后就潜规则咗佢」，FYY就话：「MoMo嘅大学爱情keywords系射落面同潜规则，不停地射，不停地射同潜规则」，而MoMo见到大家仍继续讲「射落块面」，都好无奈表示：「点解讲出嚟会喺咁？明明好纯情」。